Letter to Editor   Contact Us About Us Home
راہل گاندھی کو وزیراعظم کے طورپرقبول کرنے میں دقت نہیں :دیوے گوڑا
نئی دہلی (ایجنسیاں ) آئندہ برس ہونے والے عام انتخابات میں کانگریس کی طرف سے پارٹی کے صدر راہل گاندھی کو غیربھارتیہ جنتا پارٹی (بی جے پی) اتحاد کا وزیراعظم کے عہدہ کا امیدوار پیش کئے جانے کے ایک دن بعد ہی پیر کو اس مہم کو اس وقت بڑی حمایت ملی جب سابق وزیراعظم ایچ ڈی دیو ے گوڑا نے کہاکہ اس میں ان کی پارٹی کو کوئی اعتراض نہیں ہے ۔کانگریس ورکنگ کمیٹی کی اتوار کو دہلی میں ہوئی میتنگ میں مسٹر گاندھی کو غیربی جے پی اتحاد کا وزیراعظم کے عہدہ کا چہرہ بناکر عام انتخابات لڑنے کا اعلان کیا گیا تھا۔جنتادل (سیکولر) کے سربراہ مسٹر دیوے گوڑا نے ٹیلی ویزن چینل ٹائمس ناو سے بات چیت کے دوران کہاکہ ان کی پارٹی کو مسٹر گاندھی کو وزیراعظم قبول کرنے میں کوئی دقت نہیں ہے اور وہ اس کے لئے پوری طرح تیار ہیں۔ حال ہی میں کرناٹک اسمبلی میں کسی پارٹی کو واضح اکثریت نہ ملنے کے بعد جنتادل (ایس) نے کانگریس کی مدد سے ریاست میں ایچ ڈی کماراسوامی کی قیادت میں اتحادی حکومت بنائی ہے ۔سابق وزیراعظم نے کہاکہ مسٹر گاندھی کو وزیراعظم قبول کرنے میں جنتادل (ایس) کوکسی طرح کی پریشانی میں نہیں ہے ۔ورکنگ کمیٹی کی میٹنگ کے بعد کانگریس کے ترجمان رندیپ سرجے والا نے نامہ نگاروں کو بتایا تھا کہ تمام مقررین نے ایک آواز میں مسٹر گاندھی کی قیادت پارٹی کوآگے بڑھانے پر زور دیا تھا اور عام انتخابات میں مسٹر گاندھی کے اتحاد کی قیادت کرنے کی حمایت کی تھی۔


مدھیہ پردیش میں ہجومی تشدد ،خاتون ہلاک، 12 گرفتار
سنگارالی(ایجنسیاں) مدھیہ پردیش میں سنگارالی کے قریب ایک ہجوم نے ایک خاتون کو اس شبہ پر زدوکوب کرکے ہلاک کردیا کہ وہ بچوں کا سرقہ کرنے والی تھی۔ پولیس نے آج یہ بات بتائی۔ اس خاتون کو جس کی ذہنی حالت اچھی نہیں معلوم ہوتی تھی، ایک ہجوم نے 19 جولائی کو ماروا پولیس اسٹیشن حدود میں بھوش ولیج میں ہلاک کردیا۔ ماروا سب ڈیویژنل آفیسر آف پولیس کے ایس دویدی نے پی ٹی آئی کو فون پر یہ بات بتائی۔ انہوں نے کہا کہ اس خاتون کی ہنوز شناحت کی جانی ہے جس کی عمر 25 اور 30 سال کے درمیان ہوسکتی ہے۔ انہوں نے کہا کہ اس خاتون کو ہلاک کرنے کا واقعہ واٹس ایپ پر ان افواہوں کے درمیان پیش آیا کہ اس ضلع کے دیہی علاقوں میں بچوں کو اٹھائے جانے والے پھر رہے ہیں۔ دویدی نے کہا کہ یہ افواہیں گزشتہ ایک ماہ سے پھیلائی جارہی ہیں۔ انہوں نے کہا کہ اس واقعہ کے سلسلہ میں کل بارہ افراد کو گرفتار کیا گیا اور آج مقامی عدالت میں پیش کیا گیا عدالت نے انہیں جیل بھیج دیا۔ 
Copyright © Hindustan Express Urdu Daily, Published from, Delhi, India. All rights reserved. Web Editor: Shahidul Islam