وزیر خارجہ جئے شنکر کا سہ روزہ دورہ سعودی عرب

نئی دہلی : وزیر خارجہ ہند ڈاکٹر ایس جئے شنکر، 10 ۔ 12 ستمبر مملکت سعودی عرب کا سرکاری دورہ کریں گے۔ ان کا یہ پہلا دورہ سعودی عرب ہوگا۔ اپنے قیام کے دوران ، وہ ہندوستان اور سعودی عرب کے درمیان اسٹریٹجک پارٹنرشپ کونسل کے فریم ورک کے تحت قائم سیاسی، سیکورٹی، سماجی اور ثقافتی تعاون پی ایس ایس سی کی کمیٹی کی افتتاحی وزارتی میٹنگ کی صدارت کریں گے،اور وزیر خارجہ سعودی عرب، شہزادہ فیصل بن فرحان السعود کے ساتھ دونوں ممالک کے درمیان تعلقات کا جائزہ لیں گے ۔ پی ایس ایس سیکمیٹی کے چار مشترکہ ورکنگ گروپس کے تحت پیش رفت پر تبادلہ خیال بھی کیا جائے گا ۔دونوں فریقین اقوام متحدہ، جی 20 اور جی سی سی میں اپنے تعاون سمیت باہمی دلچسپی کے علاقائی اور بین الاقوامی امور پر بھی تبادلہ خیال کریں گے۔ دورے کے دوران، وزیر خارجہ ہند دیگر سعودی معززین کے علاوہ خلیج تعاون کونسل کے سیکرٹری جنرل سے بھی ملاقات کریں گے اور دوطرفہ تعلقات کا جائزہ لیں گے ۔ وزیر خارجہ سعودی عرب میں ہندوستانی برادری کو بھی مخاطب کریں گے ۔ ہندوستان -سعودی عرب تعلقات پچھلے کچھ سالوں میں کافی مضبوط ہوئے ہیں ۔ بشمول سیاسی، سیکورٹی، توانائی، تجارت، سرمایہ کاری، صحت، خوراک کی حفاظت، ثقافتی اور دفاعی شعبوں میں۔ دونوں ممالک کی اعلی قیادت کووڈ وبائی مرض کے دوران بھی قریبی رابطے میں رہی۔وزیر خارجہ کے پہلے دورہ سعودی عرب سے دونوں ممالک کے درمیان تعلقات میں مزید استحکام کی توقع کی جارہی ہے ۔