نیوزی لینڈ نے ورلڈ کپ کے لیے ٹیم کا اعلان کیا

ویلنگٹن(یو این آئی) نیوزی لینڈ نے پیر کو ہندوستان میں ہونے والے آئی سی سی مینز کرکٹ ورلڈ کپ کے لیے اپنی 15 رکنی ٹیم کا اعلان کر دیا۔آکلینڈ کے لیگ اسپنر ایش سوڈھی کو ٹیم میں جگہ ملی ہے جب کہ آئی پی ایل کے دوران زخمی ہونے والے 30 سالہ کپتان کین ولیمسن کے علاوہ فاسٹ بولر ٹم ساؤتھی کو ورلڈ کپ ٹیم میں شامل کیا گیا ہے۔ سعودی اور کین کا یہ چوتھا ورلڈ کپ ہوگا۔ سفید گیند کے دونوں فارمیٹس میں شاندار کارکردگی کا مظاہرہ کرنے والے مارک چیپ مین نے ورلڈ کپ کے لیے منتخب ٹیم میں جگہ بنالی ہے جب کہ انگلینڈ کے خلاف شاندار کارکردگی کا مظاہرہ کرنے والے 23 سالہ اسپن بولر اور آل راؤنڈر رچن رویندر کو بھی ٹیم میں شامل کیا گیا ہے۔ ٹام لیتھم کو ٹیم میں بطور وکٹ کیپر بلے باز منتخب کیا گیا ہے۔
حال ہی میں نیوزی لینڈ کے دورہ انگلینڈ کے دوران ہیمسٹرنگ انجری کا شکار ہوئے ایڈم ملنے ٹیم سے باہر ہو گئے ہیں۔ نیوزی لینڈ کے کوچ گیری اسٹیڈ نے اعتراف کیا کہ انہیں حتمی اسکواڈ کے انتخاب کے دوران کچھ سخت فیصلوں کا سامنا کرنا پڑا، لیکن ان کا ماننا ہے کہ ہندستان میں لے جانے کے لئے ان کے پاس نوجوانوں اور تجربے کا صحیح امتزاج ہے۔ا سٹیڈ نے کہا، ”میں آج منتخب ہونے والے 15 کھلاڑیوں کو مبارکباد دینا چاہتا ہوں۔ ورلڈ کپ میں اپنے ملک کی نمائندگی کرنا بڑے اعزاز کی بات ہے۔ "تجربہ کار کین اور ٹم سے لے کر پہلی بار منتخب کئے گئے کھلاڑیوں تک کا وقت ہمیشہ ہی بہت دلچسپ ہوتا ہے۔”5 اکتوبر کو ورلڈ کپ کے افتتاحی میچ میں نیوزی لینڈ کا مقابلہ 2019 کے فائنل کے ری میچ میں انگلینڈ سے ہوگا۔ٹیم اس طرح ہے: کین ولیمسن (کپتان)، ٹرینٹ بولٹ، مارک چیپ مین، ڈیون کونوے، لوکی فرگوسن، میٹ ہنری، ٹام لیتھم، ڈیرل مشل، جمی نیشم، گلین فلپس، رچن رویندر، مچ سینٹنر، ایش سودھی، ٹم ساؤتھی اور ول یووا۔