بدھ سے عروس البلاد ممبئی میں نبی کریمﷺ سب کیلئے مہم کا آغاز
ممبئی(یواین آئی) مرکزی رویت ہلال کمیٹی جامع مسجد اور سنی جمعیت علمائے چاند کمیٹی نے آج یہاں الگ الگ اعلانات میں کیا ہے کہ ربیع الاول کا چاند کی عام رویت واقع ہوئی ہے۔
جامع مسجد ٹرسٹ کے سربراہ شعیب خطیب کے مطابق ،آج 29 ،صفر المعظم کو چاند دیکھنے کی اپیل کی گئی تھی۔اور نماز مغرب کے بعد چاند کی عام رویت ہوئی۔سنی جمعیت علماء کے مفتی سلیم اختر نے بھی چاند نظرآنے کا اعلان کیا ہے۔انہوں نے کہاکہ اس طرح عید میلادالنبی صلی اللّٰہ علیہ وسلم بروز اتوار 9اکتوبت کو واقع ہوگی۔
واضح رہے کہ ممبئی میں خلافت کمیٹی کے زیر اہتمام ایک صدی سے شاندار جلوس برآمد ہوتا ہے اور اس مرتبہ کوویڈ-19 اور لاک ڈاؤن کی وجہ سےدوسال کے وقفہ سے میلاد النبی کی تقریب اور جلوس کا اہتمام کیا جائے گا ،خلافت کمیٹی کے چیئرمین اور بزرگ صحافی سرفراز آرزو نے مطلع کیا ہے،جلوس کے سلسلہ میں بدھ 28،ستمبر کی شام 7 بجے خلافت ہاؤس بائیکلہ میں ایک اہم میٹنگ منعقد کی گئی یے،مذکورہ میٹنگ میں اعلیٰ پولیس افسران اور میونسپل کارپوریشن کے افسران شرکت کریں گے اور اپنی آراء سے نوازیں گے ۔عام۔شہری بھی شرکت کریں گے ۔
واضح رہے کہ کل بدھ سے ہی پیغمبر اسلام سب کے لیے مہم شروع کی جارہی ہے۔اس سلسلہ میں غیر مسلم صحافیوں اور مصنفین کو ایک میٹنگ میں طلب کیا گیا ہے ،جبکہ اسم محمد صلی علیہ وسلم مع القابات کی خطاطی کی نمائش کا ایک اہم پروگراممنعقد کیا جارہاہے۔ممبئی کی کئی اہم سماجی، تعلیمی اور دینی تنظیموں کے تعاون سے پہلی بار وسیع پیمانے پر اور مربوط انداز میں رسول عربی نبی آخر الزماں محسن انسانیت صلی اللہ علیہ وسلم کی یوم پیدائش پر بڑے پیمانے پر ایک اہم پروگرام ممبئی اور مضافات میں ترتیب دیا گیا ہے. اور خاص طور پر برادران وطن کی شرکت کو یقینی بنانے کی پوری کوشش کی جارہی ہے۔
اسی سلسلے کا ایک اہم پروگرام”اسم محمد صل اللہ علیہ وسلم”مع القابات خطاطی کی نمائش بھی کی جائے گی، جس کی سرپرستی ملک کے نامور خطاط جناب اسلم کرتپوری صاحب فرمائیں گے،بروزسنیچر 01 اکتوبر 2022 دوپہر 2:00 تا 7:00 بجے کریمی لائبریری انجمن اسلام اسلام ہیڈ آفس, سی ایس ٹی ,ممبئ.
مہاراشٹر کے اہم خطاطی کے مراکز سے کئی اہم خطاط اس میں میں شرکت کریں گے ساتھ ہی عالمی شہرت یافتہ استاد شفیق الزماں خان سربراہ شعبہ خطاطی مسجد نبوی کے بھی کچھ منتخب نمونوں کو نمائش میں شامل کیا جائے گا۔
اس نمائش میں آپ کو محمد صلی اللہ علیہ وسلم کے القابات مختلف خوبصورت ترین انداز میں دیکھنے کو ملیں گے-.منتظمین نے درخواست کی ہے کہ اس نمائش میں کم از کم ایک غیر مسلم دوست کے ہمراہ ضرور شرکت کریں، یوں بھی ہمارے برادران وطن آرٹ اور کلچرل نمائش کے بہت دلدادہ ہوتے ہیں سو اس موقع پر یہ ایک اہم پروگرام ہوگا۔
