بارش نے شمال سے جنوب تک تباہی مچا دی

نئی دہلی: دہلی۔این سی آر میں ایک بار پھر موسم کا انداز بدل گیا ہے۔ دہلی۔این سی آر میں چہارشنبہ کی صبح سے ہی موسلادھار بارش ہو رہی ہے۔ موسلا دھار بارش سے آئی ٹی او روڈ پر پانی کھڑا ہو گیا ہے۔ساتھ ہی نوئیڈا کے منڈی ہاؤس، رنگ روڈ سمیت کئی علاقے شدید بارش کی وجہ سے پانی میں ڈوب گئے ہیں۔ اسی وقت، گھنے بادلوں کے ساتھ بھاری بارش نے دہلی۔این سی آر میں اندھیرا پیدا کیا۔ ڈرائیوروں کو گاڑی چلانے میں کافی پریشانی کا سامنا کرنا پڑا۔ دہلی کے ساتھ ساتھ این سی آر کے نوئیڈا میں بھی شدید بارش کی وجہ سے سڑکوں پر پانی جمع ہوگیا۔ موسلا دھار بارش کے باعث لوگوں کو آمدورفت میں بھی شدید پریشانی کا سامنا کرنا پڑا۔ وہیں، شدید بارش کی وجہ سے نوئیڈا میں ضلع انتظامیہ نے اسکول کو بند کرنے کا اعلان کیا ہے۔ چہارشنبہ کو شدید بارش کے باعث ا سکولوں میں تعطیل کا اعلان کر دیا گیا ہے۔دہلی۔این سی آر میں چہارشنبہ کی صبح سے ہو رہی بارش کی وجہ سے دہلی کے باشندوں کا تناؤ ایک بار پھر بڑھ گیا ہے۔ موسلادھار بارش کی وجہ سے سڑکوں پر پانی جمع ہوگیا ہے، وہیں یمنا اور ہندن ندی میں پانی کی سطح بڑھنے کا خطرہ ہے جس کی وجہ سے سیلاب سے متاثرہ علاقوں میں راحت اور بچاؤ کا کام متاثر ہونے کا خدشہ بھی بڑھ گیا ہے۔ قابل ذکر بات یہ ہے کہ منگل کو دہلی میں یمنا ندی کے پانی کی سطح میں کمی واقع ہوئی تھی، حالانکہ یہ اب بھی خطرے کے نشان سے اوپر بہہ رہی ہے۔ اس کے ساتھ ہی ہندن ندی بھی اپنا بھیانک روپ دکھا رہی ہے۔ ندی میں طغیانی کی وجہ سے نوئیڈا سیکٹر-143 میں سیلاب آگیا۔ یہاں، ہندوستان کے محکمہ موسمیات کا اندازہ ہے کہ 27 جولائی تک ہماچل پردیش اور اتراکھنڈ کے کچھ حصوں میں بھاری سے بہت زیادہ بارش ہوسکتی ہے۔ ایسے میں دہلی میں جمنا کے پانی کی سطح دوبارہ بڑھ سکتی ہے۔ پنجاب میں حالیہ سیلاب سے 41 افرادہلاک ہو چکے ہیں۔ سیلاب کی وجہ سے 1616 افراد ریلیف کیمپوں میں دن گزارنے پر مجبور ہیں۔ ترن تارن، فیروز پور، فتح گڑھ صاحب، فرید کوٹ، ہوشیار پور، روپ نگر، کپورتھلا، پٹیالہ، موگا، لدھیانہ، ایس اے ایس نگر، جالندھر، سنگرور، ایس بی ایس نگر، فاضلکا، گرداس پور، مانسا، بٹھنڈا اور پٹھان کوٹ سمیت 19 اضلاع سیلاب سے متاثر ہوئے ہیں۔زیر آب علاقوں سے 27286 افراد کو نکال کر محفوظ مقام پر پہنچایا گیا ہے۔پنجاب کے بجلی کے وزیر ہربھجن سنگھ نے کہا کہ بارش اور سیلاب کی وجہ سے پنجاب میں تقریباً 16 کروڑ روپے کے نقصان کا تخمینہ لگایا گیا ہے۔ نقصانات میں بجلی کے کھمبے اکھڑنا، ٹرانسفارمرز کو نقصان اور سب اسٹیشنز کا سیلاب شامل ہے۔
موسلادھار بارش کی وجہ سے تلنگانہ میں اگلے دو دن تک تمام اسکول بند رہیں گے ریاست تلنگانہ میں مسلسل بارش ہو رہی ہے۔ موسلادھار بارش کی وجہ سے معمولات زندگی بری طرح متاثر ہوئے ہیں۔ کئی علاقوں میں سیلاب جیسی صورتحال ہے۔دوسری طرف بارش کے پیش نظر ریاست کے سی ایم چندر شیکھر راؤ نے ریاستی وزیر تعلیم سبیتا اندرا ریڈی کو ہدایت دی ہے کہ وہ ریاست کے تمام تعلیمی اداروں میں دو دن یعنی 26 اور 27 جولائی کو تعطیل کا اعلان کریں۔ اس دوران ریاست کے تمام اسکول بند رہیں گے۔ ہماچل پردیش کے کولو میں بادل پھٹنے سے دوسری جانب ہماچل پردیش کے کولو کی گڈسا وادی میں کل یعنی منگل کو بادل پھٹنے سے افراتفری مچ گئی، علاقے میں کچھ مکانات اور زرعی زمین کو نقصان پہنچا اور کئی علاقوں میں بجلی نہیں ہے۔حکام نے بتایا کہ بادل پھٹنے کی وجہ سے دو پل بہہ گئے ہیں اور بھونٹر گڈسا سڑک کئی مقامات پر ٹوٹ گئی ہے۔ قابل ذکر ہے کہ مانسون کی بارش کی وجہ سے ریاست میں کافی نقصان ہوا ہے۔ 24 جون سے اب تک 263 دکانیں، 2037 گائے کی پناہ گاہیں اور 652 مکانات مکمل طور پر تباہ ہو چکے ہیں۔یہاں، محکمہ موسمیات کے مقامی دفتر نے آج 26 اور 27 جولائی کو 12 میں سے 8 اضلاع میں مختلف مقامات پر موسلادھار سے انتہائی موسلادھار بارشوں کا اورنج الرٹ جاری کیا ہے۔ محکمہ موسمیات نے 28 جولائی کو موسلا دھار بارش کا یلو الرٹ جاری کیا ہے اور 31 جولائی تک ریاست میں شدید بارشوں کی وارننگ جاری کی ہے۔
بارش کی وجہ سے کرناٹک کا بھی برا حال ہے۔ مسلسل بارش کے باعث معمولات زندگی درہم برہم ہو کر رہ گئے ہیں۔ اس کے ساتھ ہی، ریاست کے سی ایم سدارامیا نے اپنے وزراء کو بارش کی صورتحال کا جائزہ لینے کے لیے ریاست کے مختلف حصوں کا دورہ کرنے کی ہدایت دی ہے۔ اس کے علاوہ آج یعنی چہارشنبہ کو انہوں نے ویڈیو کانفرنسنگ کے ذریعے تمام ضلع کے ڈپٹی کمشنروں اور ضلع پنچایت کے سی ای او کی میٹنگ بھی بلائی ہے تاکہ ریاست میں موسم اور فصلوں کی حالت کا اندازہ لگایا جا سکے۔ سدارامیا نے کہا کہ ریاست میں کئی مقامات پر بارش ہوئی ہے۔ جون میں کم بارش ہوئی لیکن جولائی میں معمول سے کچھ زیادہ بارش ہوئی۔مہاراشٹر کے ودربھ میں بارش سے متعلق واقعات میں 10 دنوں میں کم از کم 19 ہلاک، ہزاروں مکانات کو نقصان پہنچا ہے، جہاں شدید بارشوں کی وجہ سے تقریباً 4,500 مکانات کو نقصان پہنچا