چین میں کورونا کی پابندی ہٹانے کے بعد 20 ماہرین اور سائنسدانوں کی موت

بیجنگ (یو این آئی) چین میں کورونا وائرس کی پابندیاں ہٹائے جانے کے ایک ماہ کے اندر چینی اکیڈمی آف انجینئرنگ کے کم از کم 20 سرکردہ انجینئرز اور سائنسدانوں کی موت ہو گئی۔ چینی میڈیا نے یہ رپورٹ دی ہے۔چینی میڈیا رپورٹ کے مطابق چائنیز اکیڈمی آف انجینئرنگ ملک کے اعلیٰ تعلیمی اداروں میں سے ایک اور انجینئرنگ کا سب سے باوقارا سکول ہے۔ اس کے 900 سے زائد اراکین ہیں۔ساؤتھ چائنا مارننگ پوسٹ اخبار کی ہفتہ کے روز جاری کردہ رپورٹ کے مطابق اکیڈمی کے 20 ارکان 15 دسمبر سے 4 جنوری کے درمیان فوت ہو چکے ہیں۔ جبکہ 2017-2020 میں ہر سال اوسطاً 16 سائنسدان اور 2021 میں 13 ماہرین تعلیم فوت ہوئے۔رپورٹ میں بتایا گیا کہ اکیڈمی کے سب سے کم عمر رکن، 77 سالہ ماہر طبیعیات ٹی تیانچو دسمبر میں انتقال کر گئے۔ وہ ایٹمی گھڑیوں کے ماہر تھے۔تاہم، اکیڈمی آف انجینئرنگ نے اپنے کسی رکن کے انتقال کی وجہ نہیں بتائی ہے۔دسمبر کے آخر میں، سینٹر فار ڈیزیز کنٹرول کے سابق چیف سائنسدان زینگ گوانگ نے کہا کہ ان کے اندازے کے مطابق بیجنگ کے 80 فیصد سے زیادہ باشندے، جہاں زیادہ تر چینی سائنسدان رہتے ہیں، کووِڈ 19 سے متاثر ہوئے ہیں۔