القسام کا سرنگ میں ٹریپ دھماکہ ، پانچ اسرائیلی فوجی ہلاک

غزہ: حماس کے عسکری ونگ القسام بریگیڈز نے بیت حانون میں ایک سرنگ کے دھانے پر بوبی ٹریپ دھماکے کی ایک ویڈیو جاری کی ہے جس میں ایک افسر سمیت کم سے کم پانچ اسرائیلی ہلاک اور متعدد زخمی ہوگئے۔القسام بریگیڈز کا کہنا ہے کہ اس کے جنگجوؤں نے اسرائیلی انجینیرنگ کور کے اہلکاروں کو ٹریپ کیا جس کے بعد انہیں سرنگ میں بم دھماکے سے ہلاک کر دیا۔ بوبی ٹریپ کی طرف آیا جہاں انہیں دھماکے سے اڑا دیا گیا۔انہوں نے مزید کہا کہ اسرائیل نے اعتراف کیا کہ آپریشن میں ایک افسر سمیت 5 فوجی مارے گئے۔
ویڈیو میں کم از کم چار اسرائیلی فوجیوں کو دکھایا گیا ہے۔ وہ ایک کیمرے کےقریب آ رہے ہیں جس کے ساتھ ہی ایک دھماکہ ہوتا ہے جسکے بعد ویڈیو بند ہوجاتی ہے۔القسام نے ویڈیو میں نشاندہی کی کہ یہ آپریشن 10 نومبر کا ہے۔
مرکز اطلاعات فلسطین کا کہنا ہے کہ اسلامی تحریک مزاحمت [حماس] کے عسکری ونگ عزالدین القسام بریگیڈز نے ایک ویڈیو کلپ نشر کیا ہے جس میں کہا گیا ہے کہ اس کی فورسز نے بیت حانون میں ایک سرنگ کو کھولتے ہوئے بوبی ٹریپ کیا۔ ایک اسرائیلی فورس کو اس جگہ پر راغب کیا اور اسے دھماکہ سے اڑا دیا۔ اس کارروائی میں اسرائیلی فوج کے ایک افسر سمیت متعدد فوجی مارے گئے۔