عالیہ بھٹ نے نیشنل فلم ایوارڈ جیتنے پر خوشی کا اظہار کیا

ممبئی (یو این آئی) بالی ووڈ اداکارہ عالیہ بھٹ نے فلم ’گنگوبائی کاٹھیاواڑی‘کے لیے بہترین اداکارہ کانیشنل فلم ایوارڈ جیتنے پر خوشی کا اظہار کیاہے۔
69ویں نیشنل فلم ایوارڈز 2023 کے فاتحین کا اعلان ہو گیا ہے۔ عالیہ بھٹ کو گنگوبائی کاٹھیاواڑی اور کریتی سینن کو مِمی کے لیے بہترین اداکارہ منتخب کیا گیا ہے۔اس جیت پر خوشی کا اظہار کرتے ہوئے عالیہ بھٹ نے سوشل میڈیا پر دو تصویریں شیئر کی ہیں اور خصوصی پوسٹ بھی لکھا ہے۔ پہلی تصویر میں، عالیہ ’گنگوبائی کاٹھیاواڑی‘کے سگنیچر پوز کرتی نظر آ رہی ہیں۔ وہیں دوسری تصویر میں عالیہ اپنے چہرے کی خوشی دکھا رہی ہیں۔ان تصویروں کو شیئر کرتے ہوئے عالیہ نے لکھا، ”سنجے سر کو،پوری ٹیم کو،میرے خاندان کے لیے..میری ٹیم کو اور میرے شائقین کے لئے یہ قومی ایوارڈ آپ کا ہے، کیونکہ آپ کے بغیر یہ کچھ بھی ممکن نہیں ہوگا۔ واقعی! میں بہت شکر گزار ہوں..میں ایسے لمحات کو ہلکے سے نہیں لیتی.مجھے امید ہے کہ میں جب تک ممکن ہو تفریح کرتی رہوں گی پیار اور روشنی گنگو (جسے عالیہ کے نام سے بھی جانا جاتا ہے)۔عالیہ بھٹ نے بھی اپنی پوسٹ میں کریتی سینن کو بھی مبارکباد دی ہے۔ عالیہ نے لکھا، کریتی مجھے یاد ہے جس دن میں نے ممی کو دیکھا تھا آپ کو میسج کیا تھا۔ یہ اتنی ایماندار اور طاقتور کارکردگی تھی۔