نئی دہلی ( یو این آئی ) دہلی کے ریونیو کی وزیر آتشی نے کہا کہ چھٹھ تہوار کے جشن میں کسی قسم کی کوئی کمی نہ رہے، اس بات کو یقینی بنانے کے لیے کیجریوال حکومت تمام ضروری اقدامات کرتے ہوئے گزشتہ آٹھ برسوں سے اس کا شاندار انعقاد کر رہی ہے۔محترمہ آتشی نے جمعرات کو براڑی میں واقع اندرا پرستھ کالونی میں چھٹھ گھاٹ کا دورہ کیا اور وہاں جاری تیاریوں کا جائزہ لیا۔ اس موقع پر وزیر محصول نے کہا کہ دہلی میں چھٹھ تہوار کی تیاریوں میں کوئی کمی نہ رہے اس کے لئے سبھی ایم ایل اے اور محکمے زمینی سطح پر کام کر رہے ہیں۔ چھٹھ کا تہوار پوروانچلیوں کے لیے ایک بڑا تہوار ہے، ہر سال کی طرح اس سال بھی ہم اسے بڑے پیمانے پر منظم کرنے کے لیے جنگی سطح پر کام کر رہے ہیں۔
انہوں نے کہا “وزیر اعلیٰ اروند کیجریوال کا ماننا ہے کہ پوروانچل دہلی کا اٹوٹ حصہ ہیں، پوروانچلیوں کا دہلی کی ترقی میں اہم حصہ ہے۔ ایسے میں ہماری کوشش ہے کہ دہلی کے ہمارے پوروانچلی بھائی بہن چھٹھ کے عظیم تہوار کو خوشی اور امن ساتھ منا سکیں۔ انہوں نے عہدیداروں کو ہدایت دی کہ وہ چھٹھ گھاٹ کی تیاری کے لئے دن رات کام کریں تاکہ آخری دن تک کوئی کام باقی نہ رہے اور عقیدت مندوں کو کسی قسم کی پریشانی کا سامنا نہ کرنا پڑے۔
.@ArvindKejriwal सरकार छठ महापर्व की तैयारी में युद्धस्तर पर काम कर रही है!
— Atishi (@AtishiAAP) November 16, 2023
इस साल दिल्ली भर में 1000+ घाट तैयार किए जा रहे है, जहां साफ-सफाई, सुरक्षा,टेंट,तालाब और अन्य सभी सुविधाएँ मौजूद होंगी।
तैयारियों का जायजा लेने के क्रम में आज इंद्रप्रस्थ कॉलोनी के छठ घाट का दौरा किया। pic.twitter.com/pGpHAcNusJ
محترمہ آتشی نے کہا کہ چھٹھ مہاپروا پوروانچلیوں کے لیے ایک بڑا تہوار ہے۔ اس بات کو یقینی بنانے کے لیے کہ دہلی میں چھٹھ تہوار کے جشن میں کسی قسم کی کمی نہ رہے، کیجریوال حکومت تمام ضروری اقدامات کرتے ہوئے پچھلے آٹھ سالوں سے اس تہوار کا شاندار انعقاد کر رہی ہے۔ اسی سلسلے میں کیجریوال حکومت نے اس سال دہلی میں 1000 سے زیادہ چھٹھ گھاٹ تیار کیے ہیں۔
انہوں نے کہا کہ چھٹھ گھاٹوں پر تالابوں کی تعمیر سے لے کر خیمے، لائٹس، صفائی ستھرائی، سیکورٹی وغیرہ سب کچھ دہلی حکومت کی جانب سےکیا جارہا ہے۔ اس کے علاوہ میتھالی بھوجپوری اکیڈمی کی جانب سے کئی گھاٹوں پر ثقافتی پروگرام بھی منعقد کیے جائیں گے۔ ہماری کوشش ہے کہ دہلی کے ہمارے پوروانچلی بھائی اور بہنیں عقیدے کے عظیم تہوار چھٹھ کو خوشی، امن اور مسرت کے ساتھ منا سکیں۔
