الکٹورل بانڈ معاملے میں بی جے پی کے پاس جواب نہیں:اکھلیش

لکھنؤ:(یواین آئی) سماجوادی پارٹی(ایس پی) صدر اکھلیش یادو نے منگل کو کہا کہ الکٹورل بانڈ کے معاملے میں چندہ کے نام پر کی گئی وصولی کا بی جے پی کے پاس کوئی جواب نہیں ہے۔یادو نے پارٹی کے ریاستی ہیڈکوارٹر پر میڈیا نمائندوں سے بات چیت کرتے ہوئے کہا کہ بی جے پی حکومت نے ای ڈی، سی بی آئی اور انکم ٹیکس کے ذریعہ اپوزیشن پارٹیوں کے لیڈروں کو ہراساں کیا اور بی جے پی میں شامل ہونے کے لئے دباؤ بنایا۔ پارٹیوں کو توڑنے کا کام کیا۔ عوام سے سب دیکھ رہی ہے۔ لوک سبھا لیکشن میں عوام بی جےپی کے خلاف کھڑے ہونگے۔ عوام ہی ملک میں جمہوریت آئے گی۔ بی جے پی اپوزیشن لیڈروں پر دباؤ بنا کر پارٹی میں شامل کراسکتی ہے لیکن عوام کو شامل نہیں کراسکتی ہے۔
انہوں نے کہا کہ لوک سبھا الیکشن میں سماج وادی پارٹی کے کارکنوں اور لیڈروں کو الرٹ رہنا ہوگا۔ پارٹی کے لیڈر۔ کارکن الیکشن میں ہر سطح پر دھیان رکھیں اور نگرانی کریں۔یادو نے کہا کہ بی جے پی حکومت نے نوجوانوں کے مستقبل کو برباد کر دیا ہے۔ سرکاری محکموں میں لاکھوں آسامیاں خالی ہیں لیکن نوکریاں نہیں دی گئیں۔ وہ طلبا جو برسوں سے ملازمتوں کے لیے مسابقتی امتحانات کی تیاری کر رہے تھے وہ مایوس ہیں۔
بی جے پی جان بوجھ کر پیپر لیک کرتی ہے۔ بی جے پی حکومت میں نوجوانوں کو نہ نوکری ملے گی اور نہ ہی ریزرویشن۔ یہ نوجوان لوک سبھا انتخابات میں بی جے پی کا صفایا کر دے گا۔