کانگریس نے انتخابی ریاستوں کیلئے مبصرین کا کیا تقرر

نئی دہلی، 2 دسمبر (یو این آئی) کانگریس نے راجستھان، مدھیہ پردیش، چھتیس گڑھ اور تلنگانہ اسمبلی انتخابات کے نتائج کے اعلان سے قبل نو منتخب ایم ایل ایز کی میٹنگوں کو مربوط کرنے کے لیے مبصرین کو مقرر کیا ہے۔یہ جانکاری دیتے ہوئے کانگریس جنرل سکریٹری کے سی وینوگوپال نے کہا کہ پارٹی صدر ملکارجن کھڑگے نے سینئر لیڈر بھوپیندر سنگھ ہڈا، مدھوسودن مستری، مکل واسنک اور شکیل احمد خان کو راجستھان کے لیے مبصر مقرر کیا ہے۔انہوں نے بتایا کہ مدھیہ پردیش کے لیے ادھیر رنجن چودھری، پرتھوی راج چوہان، راجیو شکلا اور چندرکانت ہنڈور، تلنگانہ کے لیے ڈی کے شیوکمار، دیپا داس منشی، ڈاکٹر اجے کمار، کے مرلی دھرن، کے جے جارج اور چھتیس گڑھ کے لیے اجے ماکن، رمیش چنیالا اور پریتم سنگھ کو مبصرربنایا گیا ہے۔
خیال رہے کہ تلنگانہ،راجستھان، مدھیہ پردیش اور چھتیس گڑھ کے اسمبلی انتخابات کے نتائج کل آئیں گے۔ سال 2024 میں دہلی کے تخت کے لیے ہونے والے انتخابات سے قبل ہونے والے اس الیکشن کو اقتدار کا سیمی فائنل قرار دیاجارہاہے۔ اس انتخابات میں کون جیتے گا، چار ریاستوں کے اسمبلی انتخابات کا فائنل اسکور کیا ہوگا، کیا وزیر اعظم نریندر مودی کو اگلے لوک سبھا انتخابات سے پہلے کی اچھی خبریں ملے گی؟کیا کانگریس لیڈر راہل گاندھی چوکا لگائیں گے، کیا مدھیہ پردیش میں شیوراج سنگھ چوہان، راجستھان میں اشوک گہلوت اور چھتیس گڑھ میں بھوپیش بگھیل اپنی حکومت بچا پائیں گے یا نہیں۔ اب ان تمام سوالات کے جوابات حاصل کرنے میں صرف چند گھنٹے باقی رہ گئے ہیں۔
مدھیہ پردیش، راجستھان، چھتیس گڑھ اور تلنگانہ میں اتوار کی صبح 7 بجے سے ووٹوں کی گنتی شروع ہوگی۔ بیلٹ ووٹوں کی گنتی پہلے کی جائے گی، چار ریاستوں کے نتائج کے ابتدائی رجحانات صبح 8 بجے سے آنا شروع ہوں گے۔
مدھیہ پردیش، راجستھان اور چھتیس گڑھ میں بھارتیہ جنتا پارٹی (بی جے پی) اور کانگریس کے درمیان سخت مقابلہ ہے، جب کہ تلنگانہ میں، بھارت راشٹرا سمیتی (بی آر ایس) کو اپنا اقتدار بچانے کے لیے کانگریس سے جد و جہد کرنی پڑ سکتی ہے۔مدھیہ پردیش، راجستھان، چھتیس گڑھ، تلنگانہ اور میزورم میں نئی ​​حکومتیں بننے جا رہی ہیں۔ ان پانچ ریاستوں کی 675 اسمبلی سیٹوں کے لیے ووٹنگ کا عمل مکمل ہو گیا ہے۔ اتوار کو چار ریاستوں میں صرف 635 سیٹوں پر ووٹوں کی گنتی ہوگی۔ میزورم کے امیدواروں کی انتخابی قسمت کا فیصلہ اب 4 دسمبر کو ہوگا۔راجستھان میں اسمبلی کی 200 سیٹیں ہیں لیکن کانگریس امیدوار کی موت کے بعد صرف 199 سیٹوں پر ووٹنگ ہوئی۔ ایگزٹ پول کے نتائج کے مطابق مدھیہ پردیش اور چھتیس گڑھ میں بی جے پی اور کانگریس کے درمیان سخت مقابلہ ہے جب کہ راجستھان میں بی جے پی کا پلڑا بھاری ہے۔
ہندی ریاست کی تین ریاستوں میں 519 سیٹوں پر فیصلہ ہونا ہے۔ ایگزٹ پولز کے مطابق 119 اسمبلی حلقے والی تلنگانہ میں کانگریس کو برتری حاصل ہے ۔ الیکشن کمیشن نے ووٹوں کی گنتی کی تیاریاں مکمل کر لی ہیں۔ ووٹوں کی گنتی اتوار کی صبح سات بجے شروع ہوگی۔ سب سے پہلے پوسٹل بیلٹس کی گنتی کی جائے گی۔ اس کے بعد تمام پارٹیوں کے نمائندوں کے سامنے ای وی ایم سے ووٹوں کی گنتی شروع ہوگی۔لوگوں کی نظریں مدھیہ پردیش اسمبلی انتخابات کے نتائج پر لگی ہوئی ہیں۔ 17 نومبر کو مدھیہ پردیش کی 230 سیٹوں پر ووٹنگ ہوئی تھی۔ سوال یہ ہے کہ کیا کمل ناتھ وہ اقتدار دوبارہ حاصل کر پائیں گے جو انہوں نے تین سال پہلے چھین لیا تھا یا شیوراج سنگھ چوہان کی پیاری بہن انہیں دوبارہ وزیر اعلیٰ کی کرسی سونپ دیں گی۔ 2023 کے اسمبلی انتخابات میں مدھیہ پردیش کے عوام نے 66 سال کا ریکارڈ توڑ دیا۔ اس بار مدھیہ پردیش میں ریکارڈ 76.22 فیصد ووٹنگ ہوئی۔ ملہار گڑھ، جواد، جاورا، شاجاپور، آگر مالوا، شوجال پور، کالاپیپال اور سون کچ میں 85 فیصد سے زیادہ ووٹنگ ہوئی۔ بمپر ووٹنگ کے بعد حکومت کی تبدیلی کی بحث بھی