روڑکی (یو این آئی)ہندوستانی جمہوریت اور تنوع ملک کی طاقت ہے آئی آئی ٹی روڑکی نے آزادی کے امرت کال کے دوران ملک کو ترقی کی راہ پر گامزن کرنے میں بہت بڑا تعاون کیا ہے ن خیالات کا اظہارلوک سبھا کے اسپیکر اوم برلا نے آج آئی آئی ٹی روڑکی کے 175 ویں یوم تاسیس سے خطاب کرتے ہوۓ کیا انہوں نےگزشتہ سات دہائیوں میں ملک کی ترقی کا ذکر کرتے ہوئے کہا کہ ہندوستان کے سائنسدان، ڈاکٹر، تاجر اور نوجوان پوری دنیا میں ہندوستان کی شناخت بنا رہے ہیں۔ دنیا میں آج ہندوستان کی ساکھ ایک معتبر جمہوریت اور ابھرتی ہوئی معیشت کے طور پر قائم ہوئی ہے۔
اس موقع پر تمام طلباء کو مبارکباد دیتے ہوئے مسٹر برلا نے کہا کہ آئی آئی ٹی روڑکی سے پاس آؤٹ ہونے والے ہزاروں طلباء نے اپنی صلاحیتوں کے بل بوتے پر پوری دنیا میں اپنا نام بنایا ہے اور اپنے علم و ہنر سے معاشی و سماجی ترقی اور ملک میں تبدیلی کا کام کیا ہے۔ لوک سبھا کے اسپیکرنے خوشی کا اظہار کیا کہ آئی آئی ٹی روڑکی کے طلباء نے عالمی سطح پر ہندوستان کا نام روشن کیا ہے۔
آئی آئی ٹی کو ٹیکنالوجی کے میدان میں ملک کا سب سے بڑا ادارہ بتاتے ہوئے مسٹر برلا نے کہا کہ آئی آئی ٹی کی تحقیق اور ایجادات نے آب و ہوا، ماحولیات، طبی، تعلیم، مواصلات سے لے کر زندگی کے کئی شعبوں میں ملک اور معاشرے کو ایک نئی سمت دی ہے۔ چوتھے صنعتی انقلاب کا ذکر کرتے ہوئے م انہوں نے کہا کہ ڈیجیٹل دور اور انٹرنیٹ انقلاب نے پوری دنیا کو بدل دیا ہے۔ ڈیجیٹل دور میں ملک کا عام شہری جمہوریت میں زیادہ فعال حصہ دار بن رہا ہے۔
وزیر اعظم نریندر مودی کے وژن کا حوالہ دیتے ہوئےانہوں نے کہا کہ 2047 میں ترقی یافتہ ہندوستان کے خواب کو پورا کرنے میں ہندوستان کی نوجوان نسل کا سب سے بڑا حصہ ہوگا۔ انہوں نے مزید کہا کہ آج عالمی سطح پر بھی ہندوستان کے نوجوان رہنمائی کر رہے ہیں اور اختراع، نئی ٹیکنالوجی اور تحقیق کے میدان میں دنیا کے سب سے پیچیدہ مسائل کو حل کرنے میں اپنا حصہ ڈال رہے ہیں۔ مسٹر برلا نے اظہارمسرت کرتے ہوئےکہا کہ نوجوان طلبہ نئے ہندوستان کی نئی تصویر بنا رہے ہیں۔ انہوں نے اعتماد کے ساتھ کہا کہ ملک نے ہندوستان کو ہر میدان میں لیڈر بنانے کا فیصلہ کیا ہے۔
کورونا دور کا ذکر کرتے ہوئے مسٹر برلا نے کہا کہ عالمی وبا کے دور میں ہندوستانی نوجوانوں نے ثابت کر دیا کہ ملک سائنس اور ٹیکنالوجی کی طاقت سے خود انحصاری کی طرف بڑھ رہا ہے۔ انہوں نے اس بات پر خوشی کا اظہار کیا کہ آج کے دور میں ہندوستان ہر میدان میں ایک عالمی منزل کے طور پر ابھرا ہے۔ انہوں نے کہا کہ آج ہندوستان پوری دنیا میں اسٹارٹ اپس کے مرکز کے طور پر جانا جاتا ہے، جو عالمی چیلنجوں کے ساتھ ساتھ ملک کی معیشت کو آگے لے جا رہا ہے۔ ہندوستان کے نوجوانوں کی کارکردگی پر اعتماد کا اظہار کرتے ہوئے مسٹر برلا نے کہا کہ دنیا کا اگلا ‘بگ ٹیک’ ہندوستان سے ابھرے گا۔
