نئی دہلی، 20 نومبر (یو این آئی) مہاراشٹرا اور جھارکھنڈ کے اسمبلی انتخابات کے مکمل ہونے کے بعد سامنے آئے زیادہ تر پوسٹ پول سروے، یعنی ایگزٹ پول میں دونوں رایستوں میں بھارتیہ جنتا پارٹی (بی جے پی) کی قیادت والے اتحاد کو اقتدار میں آنے کا امکان ظاہر کیاگیا ہے۔مہاراشٹر میں تقریباً آٹھ سروے میں اوسطاً بی جے پی اور اتحادیوں کو 157 سیٹیں اور مہا وکاس اگھاڑی کو 124 اور دیگر کو سات سیٹیں ملنے کا اندازہ لگایا گیا ہے۔ جھارکھنڈ میں نیشنل ڈیموکریٹک الائنس کو 42 سے 48 سیٹیں اور حکمران انڈیا گروپ کو 24 سے 38 سیٹیں اور دیگر کو ایک سے پانچ سیٹیں ملنے کا امکان ہے۔
مہاراشٹر کے سروے میں اے بی پی میٹریز کے مطابق این ڈی اے کی مہاوتی کو 150 سے 170 سیٹیں اور مہا وکاس اگھاڑی کو 110 سے 130، چانکیہ انسائٹ کے مطابق مہا یوتی کو 152 سے 160 سیٹیں، مہا وکاس اگھاڑی کو 130 سے 138 سیٹیں۔ پی مارک کے مطابق مہاوتی کو 137 سے 157 اور مہا وکاس اگھاڑی کو 128 سے 146، ٹائمز ناؤ جے وی سی کے مطابق 150 سے 167 سیٹیں ملنے کی امید ہے۔
لیکن مہایوتی کو سب سے زیادہ 175 سے 195 سیٹیں ، پیپلز پلس نےدی ہیں۔ لیکن ایکسس مائی انڈیا اور دینک بھاسکر نے مہایوتی کو پیچھے بتایا ہے۔ ایکسس مائی انڈیا نے مہایوتی کو 118+ اور مہا وکاس اگھاڑی کو 150+ سیٹوں پر فاتح قرار دیا ہے، جب کہ دینک بھاسکر نے مہاوتی کو 125 سے 140 اور مہا وکاس اگھاڑی کو 135 سے 150 سیٹوں پر جیتنے کا امکان ظاہر کیا ہے۔جھارکھنڈ اسمبلی انتخابات میں، اے بی پی میٹرکس این ڈی اے کو 42 سے 47 اور انڈیا اتحاد کو 25 سے 30 سیٹیں، چانکیہ انسائٹ کے مطابق، این ڈی اے کو 45 سے 50 سیٹیں اور انڈیا گروپ کو 35 سے 38 سیٹیں، پیپلز پلس کے مطابق این ڈی اے کو 42 سے 48 سیٹیں اور انڈیا اتحاد کو24 سے 37 سیٹیں اور ایکسس مائی انڈیا نے این ڈی اے کو 25+ اور انڈیا اتحاد کو 53+ سیٹیں ملنے کا امکان ظاہر کیا ہے۔جھارکھنڈ اسمبلی میں کل 81 سیٹیں ہیں جبکہ مہاراشٹر اسمبلی میں 288 سیٹیں ہیں۔
