شاہ سلمان ریلیف سینٹر کی جانب سے افغانستان کے سیلاب متاثرین کے درمیان خوراک تقسیم

کابل/ ریاض: شاہ سلمان ریلیف اینڈ ہیومنیٹیرین سینٹر کی جانب سے افغانستان کے صوبہ وردک کے ضلع ترخ میں سیلاب سے متاثرہ خاندانوں میں 47 ٹن اور 500 کلوگرام خوراک تقسیم کی گئی جس سے 3000 افراد مستفید ہوئے۔یہ امداد افغانستان کے مختلف شہروں اور صوبوں میں سیلاب کی تباہ کاریوں سے متاثر ہونے والوں کی تکالیف کو کم کرنے کے لیے شاہ سلمان ریلیف سینٹر کے ذریعے مملکت سعودی عرب کی طرف سے فراہم کردہ کوششوں کا حصہ ہے۔ادھر شاہ سلمان ریلیف سینٹر نے یمن کی شبوہ گورنری میں صحت عامہ کے دفتر کو 1,570 ڈائیلاسز سیشنز کے لیے ہیمو ڈائلیسس کے سامان کی ایک نئی کھیپ بھی پہنچائی ہے۔شبوہ گورنری کے اسسٹنٹ انڈر سیکریٹری سالم الاحمدی نے کنگ سلمان ریلیف سینٹر کی جانب سے صحت کے شعبے سمیت متعدد شعبوں میں گورنری کو فراہم کی جانے والی طبی امدد کو سراہا۔