ممبئی میں راج ٹھاکرے کی اذان پر اشتعال انگیزی، پولیس سرگرم

ممبئی (یواین آئی)مہاراشٹر نو نرمان سینا کے صدر راج ٹھاکرے کے عین گجرات انتخابات کے موقع پر ممبئی میں لاؤڈ اسپیکر پر اذان بند کرنے مطالبہ کرتے ایک بار پھر اشتعال انگیزی کرنے اور وارننگ دینے کے بعد کئی شہر کے علاقوں میں پولیس سرگرم ہوگئی اور الرٹ بھی ہے۔ذرائع کے مطابق متعدد علاقوں میں پولیس نے کارروائی بھی شروع کردی ہے اور ایم این ایس کے ورکرز بھی چوکنا ہوگئے ہیں ۔خصوصی طورپریوم جمعہ پر کئی علاقوں میں لاؤڈ اسپیکر پر اذان اور خطبہ کے موقع پر تیز آواز کے نتیجہ میں پولیس کنٹرول روم اور پولیس تھانے میں کالز کیے گئے ہیں۔
پولیس نے چند علاقوں میں مساجد کے منتظمین اور ٹرسٹیوں کو مکتوب بھی بھیج دیئے ہیں اور یہ بھی کہاگیا ہے کہ لاواڈاسپیکر کی آواز کم کی جائے اور ان کے رخ بھی تبدیل کیے جائیں ۔پولیس ملی جلی آبادی والے علاقوں میں سرگرم ہے۔واضح رہے کہ موسم سرما کے آغاز کے ساتھ طلوع آفتاب تقریباً سات بجے ہونے کی وجہ سے مساجد میں اب چھ بجکر پانچ منٹ اذان دی جارہی اور پندرہ بیس منٹ بعد نماز ہوتی ہے۔اور طلوع کا وقت بھی پچیس سے تیس منٹ بعد واقع ہوتا ہے۔تاریکی ہونے کی وجہ سے وقت کا پتہ نہیں۔ چلتا ہے اور لوگ کنٹرول سے رابطہ کرلیتے ہیں جس سے پولیس ایکشن۔میں آجاتی ہے۔