کٹرینہ ایک بار پھر اتحاد ایئرویز کی برانڈ ایمبیسیڈر بنیں

ابوظہبی (یو این آئی) متحدہ عرب امارات (یو اے ای) کی ایئرلائن کمپنی اتحاد ایئرویز نے آج بالی ووڈ اداکارہ کٹرینہ کیف کو اپنا نیا برانڈ ایمبیسیڈر مقرر کرنے کا اعلان کیا۔کمپنی نے یہاں جاری ایک بیان میں کہا کہ یہ شراکت داری ایک اہم سنگ میل ہے کیونکہ اتحاد ہندوستانی مارکیٹ میں اپنی موجودگی کو مضبوط کررہی ہے ۔ اس لیے ہندوستان کی مقبول اداکارہ کے ساتھ دوبارہ جڑاہے ۔ اپنی عالمی اپیل اور خوبصورتی کےلئے مشہورکٹرینہ اتحاد میں دوبارہ شامل ہو کر عمدگی کی وابستگی کوقائم کریں گی۔ ایئر لائن کے ساتھ ان کی وابستگی کا انکشاف اتحاد اور کٹرینہ کے سوشل چینلز پر دکھائے جانے والے ویڈیوز کی ایک سیریز کے ذریعے کیا جائے گا۔کٹرینہ کیف نے کہا’میں اتحاد ایئرویز کے ساتھ واپس آنے پر بہت خوش ہوں، جو کہ عالمی معیار کے سفری تجربات کا مترادف ہے‘ ۔