ممبر پارلیمنٹ و اداکارہ نصرت جہاں کو عدالت میں پیشی سے استثنی ٰ مل گیا

کلکتہ (یواین آئی) ممبر پارلیمنٹ اور اداکارہ کے طور پر، نصرت جہاں نے اپنے کام کے بوجھ کی وجہ سے کچھ دنوں کے لیے عدالت میں پیش سے ہونے سے استثنی طلب کیا تھا نچلی عدالت نے پیر کو ان کی درخواست منظور کر لی۔ نصرت کے وکیل نے کہا کہ انہیں 4 دسمبر تک عدالت میں پیش نہیں ہونا پڑے گا۔ تاہم، انہوں نے یہ بھی کہا کہ اگر عدالت بشیرہاٹ سے ترنمول ایم پی اور ٹالی ووڈ اداکارہ نصرت کو پیش ہونے کو کہتی ہے تو وہ عدالت میں آئیں گی۔علی پور جج کورٹ میں نصرت کے کیس کی سماعت ہوئی۔ ایم پی سے اداکارہ بننے وائی نصرت جہاں نے کہا کہ وہ بی جے پی لیڈر شنکو دیو پانڈا کے ذریعہ ان کے خلاف لگائے گئے مالی فراڈ کے الزامات کے معاملات میں انہیں عدالت میں آج پیش ہونا تھا ۔نصرت کے وکیل نے عدالت کو بتایا کہ وہ بطور رکن پارلیمنٹ اور اداکارہ کام کے بوجھ کی وجہ سے پیش نہیں ہو سکیں۔ اس حوالے سے نصرت کے وکیل نے بھی کہا کہ انہیں حاضری سے استثنیٰ دیا جائے۔ ان کی وکیل سریتا سنگھ نے کہا کہ درخواست منظور کر لی گئی ہے۔ انہوں نے کہا، ’’ہائی کورٹ نے پہلے ہی پیشی کو معطل کر دیا ہے۔ آج نچلی عدالت میں اس معطلی پر سماعت ہوئی۔ ابھی کے لیے توسیع دی گئی۔ لیکن اگر اگلی سماعت پر آنے کو کہا گیا تو وہ آجائیں گے۔ بس توسیع آج دائر کی گئی تھی۰
فلیٹ دینے کے نام پر کروڑوں روپے کی دھوکہ دہی کے معاملے میں بشیرہاٹ سے ترنمول کانگریس کی ممبر پارلیمنٹ نصرت جہاں پر الزام ہے۔ مبینہ طور پر 400 سے زیادہ بزرگ شہریوں نے 2014-15 میں ایک تنظیم میں رقم جمع کرائی گئی تھی۔ ہر ایک سے 5.5 لاکھ روپے لیے گئے۔ اس کے بجائے انہیں ایک ہزار مربع فٹ فلیٹ دینے کا وعدہ کیا گیاتھا۔ لیکن نہ انہیں فلیٹ ملا اور نہ ہی پیسے واپس ملے۔ بی جے پی لیڈر شنکودیو نے دعویٰ کیا کہ نصرت جہاں اس کمپنی کی واحد ڈائریکٹر تھیں۔ انہوں نے اس سلسلے میں ای ڈی کے دفتر سے شکایت بھی کی گئی ہے۔حال ہی میں اس شکایت کی بنیاد پر نصرت جہاں کو ای ڈی کے دفتر میں طلب کیا گیا تھا۔نصرت نے دعویٰ کیا کہ وہ اس کمپنی سے وابستہ نہیں ہے۔