چندی گڑھ، 20 دسمبر (یو این آئی) ہریانہ کے سابق وزیر اعلی اور انڈین نیشنل لوک دل لیڈر اوم پرکاش چوٹالہ کا جمعہ کو گروگرام میں دل کا دورہ پڑنے سے انتقال ہو گیا مسٹر چوٹالہ کی عمر 89 برس تھی وہ سابق نائب وزیر اعظم دیوی لال کے بیٹے تھے اور ان کے پسماندگان میں دو بیٹے ابھے سنگھ چوٹالہ اور اجے سنگھ چوٹالہ اور تین بیٹیاں ہیں۔اسی درمیان وزیر اعظم نریندر مودی نے ہریانہ کے سابق وزیراعلی اوم پرکاش چوٹالہ کے انتقال پر رنج وغم کا اظہار کیا ہے۔سوشل میڈیا پلیٹ فارم ایکس پر ایک پیغام میں، مسٹر مودی نے کہا "ہریانہ کے سابق وزیر اعلیٰ اوم پرکاش چوٹالہ جی کے انتقال سے انتہائی غمزدہ ہوں۔
سرسا ضلع کے ایک گاؤں میں پیدا ہوئے مسٹر چوٹالہ نے اسکول ادھورا چھوڑ دیا اور سیاست میں قدم رکھا۔ اس نے کئی سال جیل میں رہنے کے بعد 2022 میں 10ویں اور 12ویں جماعت پاس کی۔وہ پہلی بار 1989 میں مختصر مدت کے لیے ہریانہ کے وزیر اعلیٰ بنے جب دیوی لال مرکز میں وی پی سنگھ حکومت میں نائب وزیر اعظم بنے۔ مسٹر چوٹالہ پانچ بار وزیر اعلیٰ بنے اور آخری بار 1999 سے 2005 کے درمیان وزیر اعلیٰ رہے۔
وزیر اعلی کے طور پر اپنے آخری دور میں، وہ اور ان کے بیٹے اجے چوٹالہ کو 2013 میں جونیئر بیسک ٹیچر بھرتی گھوٹالہ میں گرفتار کیا گیا تھا۔10 سال قید کی سزا سنائی گئی۔ اسے 2021 میں جیل سے رہا کیا گیا تھا، جب قیدیوں کو کووڈ-19 کے دوران رہا کیا گیا تھا۔ اس کے علاوہ مئی 2022 میں انہیں بے حساب دولت کے 16 سال پرانے کیس میں دو سال قید کی سزا سنائی گئی اور اس طرح وہ 87 سال کی عمر میں دہلی کی تہاڑ جیل کے معمر ترین قیدی بن گئے۔
دریں اثناء راشٹریہ جنتا دل (آر جے ڈی) کے لیڈروں نے آج ہریانہ کے سابق وزیر اعلیٰ اوم پرکاش چوٹالہ کے انتقال پر گہرے رنج و غم کا اظہار کیا۔آر جے ڈی کے قومی صدر لالو پرساد یادو، سابق وزیر اعلیٰ رابڑی دیوی، اپوزیشن لیڈر تیجسوی یادو، رکن پارلیمنٹ ڈاکٹر میسا بھارتی، سابق وزیر تیج پرتاپ یادو، ریاستی صدر جگدانند سنگھ، قومی نائب صدر ادے نارائن چودھری، قومی پرنسپل جنرل سکریٹری عبدالباری صدیقی، سابق مرکزی وزیر جے پرکاش نارائن یادو، ڈاکٹر کانتی سنگھ، قومی چیف ترجمان پروفیسر منوج کمار جھا، راجیہ سبھا ایم پی سنجے یادو، قومی جنرل سکریٹری بھولا یادو، سید فیصل علی، بینو یادو، ریاستی نائب صدر اشوک کمار سنگھ، ڈاکٹر تنویر حسن، شیو چندر رام، ریاستی پرنسپل جنرل سکریٹری رن وجے ساہو، ریاستی خزانچی محمد کامران، ریاستی چیف ترجمان شکتی سنگھ یادو، ریاستی ترجمان اعجاز احمد اور دیگر آر جے ڈی رہنماؤں نے ہریانہ کے سابق وزیر اعلیٰ اوم پرکاش چوٹالہ کے انتقال پر گہرے رنج و غم کا اظہار کیا ہے۔غم کا اظہار کرتے ہوئے آر جے ڈی لیڈروں نے کہا کہ مسٹر چوٹالہ کی موت سے قوم اور سماجوادی تحریک کو ناقابل تلافی نقصان پہنچا ہے۔ اس کی تلافی مستقبل قریب میں ممکن نہی
