لکھنؤ:صحابہ ایکشن کمیٹی کی جا نب سے جلسہ شہدائے کربلا کے موقع پر ایک شاندار نعتیہ مشاعرہ منعقد کیا گیا ۔جسکی صدارت جناب الحاج عبدالوحید فاروقی صاحب صدر صحابہ ایکشن کمیٹی پاٹا نالہ لکھنؤنے فرمائی جلسہ کا آغاز مولانا محمد طلحہ اناوی کی تلاوت سے ہو ا تلاوت کلام اللہ کے بعد جامعہ نورالانوار کے استاذ حافظ عبد الغنی صاحب وحافظ رفیان صاحب نے حمدونعت منقبت کا نذرانہ پیش کیا۔ مہمان خصوصی مولانا زید عبد الرحیم فاروقی ندوی جنرل سکریٹری صحابہ ایکشن کمیٹی پاٹا نالہ لکھنؤ نے اپنے خطاب میں فرمایانعتیہ مشاعرہ سے حضرحسان بن ثابت رضی اللہ تعالیٰ عنہ کی یاد تازہ ہو تی ہے اللہ کے رسول صل اللہ علیہ و سلم آپ رضی اللہ عنہ سے اشعار سنا کرتے تھے ایسی محفلیں ہم سب کیلئے رحمت ہیں ہم سب کی نجات کا ذریعہ ہیں اللہ پاک ہم سب کو ایسی محفلوں میں شرکت کی توفیق عطا فرمائے آمین نظامت طارق سخا لکھنوی نے کی۔ لکھنؤ واطراف لکھنؤ کے مشہور و معروف شعراء کرام نے شرکت کی جن میں رفعت شیدا صدیقی, مجیب احمد کرنیل گنجوی, نصیر احمد نصیر, معید رہبر لکھنوی, وقار کاشف عثمانی ,محمد یعقوب عزم گونڈوی, خلیل اختر لکھنوی ,جلال لکھنوی, مسعود احمد , وغیرہ خاص طور سے قابل ذکر ہیں شعراء کرام کے وہ منتخب اشعار جن پر سامعین نے خوب داد وتحسین سے نوازا قارئین کی نظر ہیں۔
بلبل نے پپہے سے پوچھا ساتھی ہیں نبی کے کون بتا
,شیدا وہ چہک کر بول اٹھا صدیق وعمر عثمان وعلی
رفعت شیدا صدیقی
زمانہ کتنے نشیب وفراز سے گزرا
جوسربلند ہے ابتک وہ سر حسین کاہے
مجیب صدیقی کرنیل گنجوی
پھرآج دین حق کی حفاظت کے واسطے
آواز دے رہی ہے شہادت حسین کی
نصیر احمد نصیر
ذات سرکار دوعالم کتنی عالی شان ہے
عقل انساں آج بھی حیران ہے
معید رہبر لکھنوی
جب دیکھ لیاارض مقدس تو کہا بس
ایسے کہیں دنیا میں مناظر نہی ہوتے
طارق سخا لکھنوی
میں پھر ہاہوں لیئے چشم تر مدینے میں
جھکا ہوہے ندامت سے سر مدینے میں
وقار کاشف عثمانی
تاقیامت ہوں گے ضامن نبی کے تذکرے
یعنی بوبکروعمرعثمان علی کے تذکرے
محمد یعقوب عزم گونڈوی
بستر میں اسی روز سنبھالوں گااے ختر
جس دن یہ سنوں گا کہ بلایا ہے نبی نے
خلیل اختر لکھنوی
تیرگی کفر کی دنیا سے مٹانے کے لئے
روشنی بن کے نبی آئے زمانے کے لئے
جلال لکھنوی
دنیا میں کوئی دوسرا منظر ہی نہیں ہے
اے شہر مدینہ تیرے دیدار کے جیسا
مسعود احمد
جناب حافظ وقاری سید وصی صاحب نے تمام جلسوں کو کا میا ب بنانے والوں کی حوصلہ افزائی فرمائی اور آنے والوں کا شکریہ ادا کیا منتظم مشاعرہ قاری محمد عمیر رحمانی نائب امام عیدگاہ دوبگا کی دعاء پر مشاعرہ کا اختتام ہوا۔ قاری محمد رفیان صاحب قاری محمد اسلام صاحب محمد عالم بھاء (منم) شانو بھاء ایوب بھاء شاہ عالم بھاء عرفان بھاء چاند بھاء شاباز بھاء فیض بھاء بطور خاص موجود رہے۔
