ریلائنس کا گجرات میں سبز توانائی کی پیداوار بڑھانے کا اعلان

گاندھی نگر (یو این آئی)ریلائنس اگلے 10 سالوں تک گجرات کے سبز توانائی کے شعبے میں سرمایہ کاری جاری رکھے گی ریلائنس 2030 تک گجرات کی سبز توانائی کی کھپت کا تقریباً نصف پیداوار کرے گی یہ اعلان ریلائنس انڈسٹریز کے چیئرمین مکیش امبانی نے وائبرینٹ گجرات گلوبل سمٹ 2024 میں کیا اس بات کو یقینی بنانے کے لیے کہ گجرات سبز ترقی میں ایک عالمی رہنما کے طور پر ابھرے، ریلائنس نے جام نگر میں 5,000 ایکڑ کے دھیرو بھائی امبانی گرین انرجی گیگا کمپلیکس کی تعمیر شروع کر دی ہے۔
مسٹر امبانی نے کہا، اس سے بڑی تعداد میں سبز ملازمتیں پیدا ہوں گی اور سبز مصنوعات اور مواد کی پیداوار ممکن ہو سکے گی جس سے گجرات سبز مصنوعات کا ایک سرکردہ برآمد کنندہ بن جائے گا۔
گجرات کو اپنی مادر وطن اور کرم بھومی بتاتے ہوئے مکیش امبانی نے کہا کہ گزشتہ 10 سالوں میں ریلائنس نے ملک میں تقریباً 12 لاکھ کروڑ روپے کی سرمایہ کاری کی ہے اور اس سرمایہ کاری کا ایک تہائی سے زیادہ حصہ صرف گجرات میں کیا گیا ہے۔ ریلائنس 7 کروڑ گجراتیوں کے خوابوں کو پورا کرنے میں کوئی کسر نہیں چھوڑے گی۔