نئی دہلی(یواین آئی) بالی ووڈ اسٹار اور کھوکھو ورلڈ کپ کے برانڈ ایمبیسیڈر سلمان خان اگلے 13 جنوری سے شروع ہونے والے کھو کھو ورلڈ کپ کے میچوں کے دوران اسٹار اسپورٹس، ڈیجیٹل، سوشل میڈیا کے ذریعے ملک اور دنیا میں اس کھیل کو فروغ دیں گے کھو کھو فیڈریشن آف انڈیا ایک میگا ملٹی میڈیا مہم شروع کرے گی جس میں اداکار سلمان خان شامل ہوں گے تاکہ قومی سطح پر ورلڈ کپ ایونٹ کے بارے میں آگاہی پیدا کی جا سکے اداکاری کے ذریعے سلمان خان کھو کھو ورلڈ کپ کے لائیو میچوں کے دوران اسٹار اسپورٹس، ڈیجیٹل اور سوشل میڈیا کے ذریعے دنیا بھر میں لوگوں کو اس کھیل کی طرف راغب کریں گے۔ اندرا گاندھی انڈور اسٹیڈیم میں کھو کھو ورلڈ کپ کے افتتاح کے موقع پر سپر اسٹار سلمان خان ہندوستان اور پاکستان کے درمیان پہلا میچ دیکھیں گے اور کھلاڑیوں کے حوصلے بلند کریں گے۔
کھو کھو فیڈریشن آف انڈیا کے صدر اور ورلڈ کپ آرگنائزنگ کمیٹی کے چیئرمین سدھانشو متل نے کہا کہ سلمان خان کی مقبولیت سے نہ صرف ہندوستان بلکہ پوری دنیا میں اس کھیل کو فروغ دینے میں مدد ملے گی۔ انہوں نے کہا کہ سلمان خان کو کھو کھو ورلڈ کپ کا برانڈ ایمبیسیڈر بنانے کا مقصد زیادہ سے زیادہ نوجوانوں کو کھو کھو کی طرف راغب کرنا ہے تاکہ زیادہ سے زیادہ لوگ اسٹیڈیم، اسٹار اسپورٹس، ڈیجیٹل اور سوشل میڈیا کے ذریعے کھو کھو ورلڈ کپ کے میچز دیکھیں۔
انہوں نے کہا کہ سلمان خان نے جدید دور میں فٹنس اور جوش کی نئی تعریف کی ہے اور وہ بہت سے بین الاقوامی کھلاڑیوں کے لیے تحریک کا باعث ہیں۔ سلمان کو ذہنی اور جسمانی فٹنس کا بہت شوق ہے۔انہوں نے آواز اٹھائی اور ہم ایسے اسٹار کو کھو کھو ورلڈ کپ سے جوڑنا چاہتے تھے۔ ان کے اضافے کے ساتھ کھیل کو گلیمر ملے گا اور کھیل مزید دلچسپ ہو جائے گا۔سلمان خان نے ہندوستان میں کھو کھو ورلڈ کپ کے انعقاد اور دوسرے ممالک میں کھیلنے پر خوشی کا اظہار کیا ہے۔ انہوں نے کہا کہ کھو کھو ورلڈ کپ کا برانڈ ایمبیسیڈر بننے پر فخر محسوس کر رہا ہوں۔ کھو کھو جیسے شاندار کھیل کو سپورٹ کرنا اعزاز کی بات ہے۔ انہوں نے کہا کہ یہ صرف ایک ٹورنامنٹ نہیں ہے بلکہ یہ ہندوستان کی روح اور اتحاد کو دلی خراج عقیدت ہے۔
