بریلی(یواین آئی) اترپردیش کے ضلع بریلی کے میر گنج تحصیل میں ایس ڈی ایم ادت پوار کو ایک فریادی کو دفتر میں مرغا بنانے کے معاملے میں بادی النظر میں خاطی پائے جانے پر ضلع ہیڈکوارٹر سے وابستہ کردیا گیا ہے۔ایس ڈی ایم کے ذریعہ ایک فریادی کو اپنے دفتر میں مرغا بنانے کا ویڈیو اور فوٹو وائرل ہونے کے بعد ہلچل مچ گئی۔
معاملہ بڑھتا دیکھ ڈی ایم نے پورے معاملے کی جانچ کا حکم دیا اور ابتدائی جانچ میں ایس ڈی ایم کو خاطی پایا اور ملزم ایس ڈی ایم کومیر گنج سے جمعہ کی دیر رات ہٹا کر ضلع ہیڈکوارٹر سے وابستہ کردیا گیا ہے۔
جمعہ کی شام میر گنج تحصیل منڈن پور گاؤں باشندہ ایک نوجوان نے الزام لگایا کہ شمشان کی پیمائش کرانے ایس ڈی ایم میر گنج ادت پوار کے پاش پہنچا تھا۔اس کا الزام ہے کہ قبضے کی شکایت سے ایس ڈی ایم ناراض ہوگئے اور اسے اپنے ہی دفتر میں مرغا بنا دیا۔
Video shows SDM allegedly making a complainant sit like a hen in his office. pic.twitter.com/NS7VG3CJZy
— THE HINDUSTAN GAZETTE (@THGEnglish) September 16, 2023
کچھ لوگوں نے اس کی ویڈیو بنا کر وائرل کردیا۔ڈی ایم شیوا کانت دویدی نے جانچ کرائی۔ ابتدائی جانچ میں خاطی پائےجانے پر جمعہ کی دیر رات ملزم ایس ڈی ایم ادت پوار کو میر گنج تحصیل سے ہٹا کر ضلع ہیڈکوارٹر سے متعلق کردیا گیا ہے۔ رات میں ہی وہاں دیش دیپک سنگھ کو ایس ڈی ایم بنا دیا گیا۔اس درمیان ملزم ایس ڈی ایم ادت پوار نے مرغا بنانے سے انکار کیا ہے۔ ان کا کہنا ہے کہ ایک نوجوان اچانک آفس آیا اور وہ مرغا بن گیا۔ پیچھے سے آئے کچھ لوگوں نے ویڈیو بنا کر وائرل کردیا۔ فی الحال ڈی ایم بریلی اس کی جانچ کررہے ہیں۔
