جی۔20 کی صدارت جنوبی افریقہ کے سپرد

ریوڈی جنیرو، 20 نومبر (یو این آئی)برازیل کے صدر لوئس اناسیو لولا دا سلوا نے اپنے ملک کی میزبانی میں جی 20 کے اجلاس کے اختتام پر اس تنظیم کی صدارت جنوبی افریقہ کے صدر سیرل رامافوسا کے سپرد کر دی۔جی۔20 سمٹ کے اختتام پر اپنی تقریر میں لولا دا سلوا نے برازیل کی کامیابیوں پر زور دیا۔
جی۔20 کی آئندہ کی معینہ مدت صدارت کو جنوبی افریقہ کے صدر رامافوسا کو سونپنے والے لولا دی سلوا نے واضح کیا ہے کہ سربراہی اجلاس میں جی20 سماجی سربراہی اجلاس کا جشن منانے، کثیر الجہتی ترقیاتی بینکوں کو مضبوط بنانے کے روڈ میپ ، افریقہ اور غیر ملکی قرضوں پر بحث، خواتین کو بااختیار بنانے کے لیے ایک ورکنگ گروپ کے قیام اور نسلی مساوات پر مبنی پائیدار ترقی کے اہداف کی منظوری دینے جیسے اہم اقدامات اٹھائے گئے ہیں۔
برازیلی رہنما نے اس حوالے سے سر انجام دیے گئے امور کی یاد دہانی کراتے ہوئے کہا کہ "اس سال ہم نے برازیل کے 15 شہروں میں 140 سے زیادہ اجلاس کیے۔ ہم تقریباً تمام ورکنگ گروپس میں اتفاق رائے پر پہنچ گئے۔ ہمیں احساس ہے کہ ہم دنیا کو درپیش بڑے چیلنجوں کی محض سطح کو ہی چھو سکے ہیں ، لیکن ہم سخت محنت کر رہے ہیں۔”
افریقہ اور لاطینی امریکہ کے درمیان تاریخی، ثقافتی، سیاسی و اقتصادی روابط کا بھی ذکر کرنے والے لولو دا سلوا نے اپنے ہم منصب راما فوسا کی کامیابی کی تمنا کا اظہار کیا۔