ممبئی، 7 جنوری (یو این آئی) امریکی صدر ڈونلڈ ٹرمپ کے جارحانہ ٹیرف پالیسی نہ اپنانے کی امید میں عالمی منڈی میں ملے جلے رجحان کے درمیان سرمایہ کاروں کی مقامی سطح پر چوطرفہ خریداری کی وجہ سے گزشتہ روز کی افراتفری سے سنبھل کرآج اسٹاک مارکیٹ تیزی کے ساتھ بند ہوا۔
بی ایس ای کا 30 حصص والا حساس انڈیکس سینسیکس 234.12 پوائنٹس کی چھلانگ لگا کر 78199.11 پوائنٹس اور نیشنل اسٹاک ایکسچینج (این ایس ای) کا نفٹی 91.85 پوائنٹس کی مضبوطی کے ساتھ 23707.90 پوائنٹس پر پہنچ گیا۔ بی ایس ای کی بڑی کمپنیوں کی طرح درمیانی اور چھوٹی کمپنیوں کے حصص میں بھی زبردست خریداری ہوئی جس کی وجہ سے مڈ کیپ 0.77 فیصد بڑھ کر 46145.66 پوائنٹس اور اسمال کیپ 1.74 فیصد بڑھ کر 55282.48 پوائنٹس پر پہنچ گیا۔
اس دوران بی ایس ای میں کل 4086 کمپنیوں کے حصص میں کاروبار ہوا جن میں سے 2624 میں اضافہ، 1355 میں گراوٹ جب کہ 107 میں کوئی تبدیلی نہیں ہوئی۔ اسی طرح نفٹی کی 32 کمپنیوں میں خریداری جب کہ 18 دیگر کمپنیوں میں فروخت ہوئی جبکہ ایک کی قیمتیں مستحکم رہیں۔
بی ایس ای میں آئی ٹی، ٹیک اور فوکسڈ آئی ٹی کی 0.62 فیصد تک کی گراوٹ کے علاوہ دیگر 18 گروپوں کا رجحان مثبت تھا۔ اس دوران کموڈٹیز 1.34، سی ڈی 0.09، انرجی 1.55، ایف ایم سی جی 0.23، فنانشل سروسز 0.60، ہیلتھ کیئر 1.18، انڈسٹریلز 1.18، ٹیلی کام 0.11، یوٹیلیٹیز 0.58، آٹو 0.04، کیپٹل گڈز 1.14، کنزومر ڈیوریبلز 0.25، میٹل 1.03، تیل اور گیس1.47، ریئلٹی 0.84 اور سروسز گروپ کے شیئر 1.19 فیصد چڑھ گئے۔
بین الاقوامی سطح پر تیزی کا رجحان رہا۔ اس دوران جرمنی کا ڈیکس 0.25، جاپان کا نکئی 1.97 اور چین کا شنگھائی کمپوزٹ 0.71 فیصد بڑھ گیا جبکہ برٹین کا ایف ٹی ایس ای0.21 فیصد اور ہانگ کانگ کا ہینگ سینگ 1.22 فیصد گر گیا۔
