سنجے سنگھ کی عرضی پر سپریم کورٹ کا مرکزاور ای ڈی کو نوٹس

نئی دہلی (یو این آئی) سپریم کورٹ نے دہلی شراب پالیسی سے متعلق منی لانڈرنگ کیس میں جیل میں بند ریاستی ایم پی سنجے سنگھ کی درخواست پر پیر کو مرکزی حکومت اور انفورسمنٹ ڈائریکٹوریٹ (ای ڈی) کو نوٹس جاری کیا۔جسٹس سنجیو کھنہ اور ایس وی این بھٹی کی بنچ نے 4 اکتوبر کو گرفتار عام آدمی پارٹی (اے اے پی) کے لیڈر سنگھ کی درخواست پر مرکزی حکومت اور ای ڈی سے جواب طلب کیا۔
سپریم کورٹ نے یہ بھی واضح کیا کہ اگر مسٹر سنگھ نے عبوری ضمانت کے لیے درخواست دائر کی ہے تو دہلی ہائی کورٹ کے فیصلے میں دیے گئے تبصروں کا اس پر کوئی اثر نہیں پڑنا چاہیے۔دہلی ہائی کورٹ نے 20 اکتوبر کو سنجے سنگھ کی عرضی کو مسترد کر دیا تھا۔ انہون نے اپنی گرفتاری اور نظر بندی کو چیلنج کرتے ہوئے حتمی ضمانت کی اپیل کی تھی۔
سپریم کورٹ اس کیس کی اگلی سماعت 11 دسمبر کو کرے گی۔سپریم کورٹ نے مبینہ دہلی شراب پالیسی گھوٹالے کے ایک اور اہم ملزم دہلی کے سابق نائب وزیر اعلیٰ منیش سسودیا کی ضمانت کی درخواست 30 اکتوبر کو مسترد کر دی۔سسودیا کی ضمانت کی عرضی مسترد کرتے ہوئے سپریم کورٹ نے کہا تھا، "338 کروڑ روپے کی منتقلی سے متعلق ایک پہلو عارضی طور پر قائم ہے۔”