جامعہ ملیہ اسلامیہ کے سینئر سکنڈری اسکول میں ٹیڈ انگریزی تکلم پروگرام کا انعقاد

نئی دہلی: جامعہ ملیہ اسلامیہ کے سینئر سکنڈری اسکول کے ملٹی پرپز ہال میں سات اگست دوہزار تیئس کو انگریزی تکلم کے پروگرام کا انعقاد ہوا جہاں سات نمایاں طلباکی زندگی کے تجربات،تحریک کا مرکز و محور اور زندگی میں چیلنجیز کا سامنا کرنے کی غیر معمولی کہانیاں سامنے آئیں۔خصوصی طور پر مدعو سابق اسکول کی طالب علم محترمہ حفصہ کی موجودگی نے پروگرام میں چار چاند لگادیے۔
پروگرام کی خاص باتیں:
متنوع پس منظر اور تحریک:پروگرام میں سات مختلف تہذیبی و معاشرتی پس منظروں والے طلبا اپنی اپنی منفرد داستان حیات اور سرچشمہ تحریک کے ساتھ حاضر تھے۔سائنس،آرٹس،سماجی تحرک اورتخلیقی تحریر تک پھیلے ان کے متنوع جذبات اور دلچسپیوں نے کامیابی اور ترغیب دلانے میں متنوع تناظرات کوقوت بخشا۔
نامساعدات پر قابو پانا:مختلف طلبا نے اپنی زندگی کے سفر میں پیش آنے والے مسائل کو دلیرانہ مقابلہ کی داستان بیان کی جس سے سامعین نے پورے طورپر یگانگت محسوس کی۔انھوں نے ذاتی مسائل،مالی مشکلات اور سماجی تعصبات کا ذکر کیا جن سے روکاٹوں او ر مزاحمتوں کو دور کرنے کے سلسلے مٰں ان کے عز م اور حوصلے کا پتا چلتاہے۔
سماجی مسائل کا حل:اپنی ذاتی زندگی کی کہانیوں کو ساجھا کرنے کے ساتھ طلبا نے خود پر اثر انداز ہونے والے عالمی مسائل کا بھی ذکر کیا۔ ان مسائل و موضوعات کا دائرہ آب و ہوا کی تبدیلی اور ماحولیات کی پائے داری سے لے کر دماغی صحت اور سماجی ومعاشی عدم مساوات تک پھیلا ہواتھا۔ان کی فکر انگیز باتوں سے سامعین میں جوش بھر گیا اوروہ بھی تبدیلی کے لیے آمادہ عمل نظر آنے لگے۔
اعتماد اور خطابت: جملہ سات طلبا نے تقریر کرتے ہوئے غیر معمولی اعتماد اور خطابت کا مظاہرہ کیا۔اپنی بات وضاحت و قطعیت کے ساتھ پیش کرنے کی ان کی صلاحیت نے سامعین کو حیر ت میں ڈال دیا۔ہر مقرر کامنفرد انداز اور مخصوص اسلوب تقریر نے پروگرام کی معنویت میں زبردست اضافہ کردیا تھا۔
خصوصی مدعو سابق طالب علم حفصہ فہد کی موجودگی جنھوں نے پہلے بھی ٹیڈ پروگرام میں حصہ لیا تھا وہ مقررین کی قطار میں ایک غیر معمولی اضافہ تھا۔حفصہ نے پروگرام کی تعریف کی اوراسکول میں وہ ایک کامیاب پبلک اسپیکر کس طرح بنی اس سلسلے میں انھوں نے بتایا۔خود ان کا سفر بھی اس نوع کے پروگراموں کی انقلاب آفریں قوتوں کا گواہ ہے۔پروگرام کے آغاز میں،ٹیڈ ٹیم کے اراکین اور اسکول کے سربراہان، عاشرہ رحمان اور فراز احمد شو کی میزبانی کی اور اپنے بیانیہ کی تکمیل کے لیے پی پی ٹی سمیٹ سحر آفریں تصاویر شو میں دکھائیں۔ملٹی میڈیاعناصر کی شمولیت نے ان کی تقریر کے نکات کو مزید روشن کردیا جس سے ٹیڈ انگریزی تکلم کے پروگرام کے مقصد کی بہتر تفہیم ہوسکی۔پروگرام نے بطور یاد دہانی یہ بھی کیا کہ ہرفرد میں تبدیلی لانے کی صلاحیت موجود ہے اور عزم و تعاون کی مدد سے وہ اپنی زندگیوں اور برادریوں میں مثبت تبدیلیاں لاسکتے ہیں۔