ملک کے آئینی اداروں کا وجود خطرے میں ہے:اکھلیش

لکھنؤ:(یواین آئی)سماج وادی پارٹی کے صدراکھلیش یادو نے جمعرات کو پارٹی کا تیسری بار صدر بنائے جانے پر کارکنوں کا شکریہ ادا کرتے ہوئے کہا کہ آج ملک کے سبھی آئینی اداروں کا وجود خطرے میں ہے۔ ایسے میں ملک کی جمہورت کو بچانے کی ذمہ داری ہم سب کی ہے۔ ہم آج ایس پی کو قومی پارٹی بنانے کا عزم کریں ۔ ڈاکٹر لوہیا اور ڈاکٹر امبیڈکر کے نظر یات کو آگے بڑھا کر ہی ایس پی کو قومی پارٹی کا درجہ دلایا جائے گا۔
اکھلیش نے یہاں منعقد ایس پی کے قومی کنونشن میں پارٹی کارکوں سے اپیل کی کہ وہ ڈاکٹر لوہیا اور ڈاکٹر امبیڈکر کے نظریات کو آگے بڑھاتےہوئے ایس پی کو قومی پارٹی کا درجہ دلانے کا عزم کر کے جائیں۔ قابل ذکر ہے کہ یہاں منعقد ایس پی کے دوروزہ قومی کنونشن کے پہلے دن ریاستی سمیلن کا انعقاد کیا گیا تھا۔ اس میں ایس پی کے ریاستی اکائی کی کمار ایک بار پھر ریاستی صدر نریش اتم کو ہی سونپی گئی۔
وہیں آج قومی سمیلن میں ایس پی کے قومی صدر کے عہدے پر الیکشن کرانے کے لئے الیکشن افسر بنائے گئے رام گوپال یادو نے اکھلیش کو تیسری بار ایس پی صدر منتخب کئے جانے کا اعلان کیا۔ پروفیسر رام گوپال نے کہاکہ ایس پی کے صدر کے الیکشن میں کسی دیگر امیدوار نے نامزدگی نہیں کی تھی۔ لہذا اکھلیش بلا مقابلہ صدر منتخب کئے گئے ہیں۔
انہوں نے کارکنوں سے اپیل کی کہ وہ بابا صاحب ڈاکٹر بھیم راؤ امبیڈکر اور ڈاکٹر لوہیا کے نظریات کو آگے بڑھائیں۔ اکھلیش نے کہا کہ وہ لوگ بھی آج ایس پی سے جڑ رہے ہیں جو بابا صاحب بھیم راؤ امبیڈکر کا خواب پورا کرنا چاہتے ہیں۔پسماندہ۔دلت اور استحصال زدہ سبھی طبقات آج ایس پی کی طرف امید بھری نگاہوں سے دیکھ رہے ہیں۔ کیونکہ ایس پی ڈاکٹر لوہیا اور بابا صاحب کے نظریات کے ساتھ آگے بڑھ رہی ہے۔
اکھلیش نے حکمراں جماعت بی جے پی کو ہدف تنقید بناتے ہوئے کہا کہ جھوٹ بولنے والی پارٹی آج ملک اور اترپردیش کے اقتدار پر فائرز ہے۔ بی جے پی سب سے زیادہ جھوٹ بولنے والی پارٹی ہے۔ انہوں نے کہا’صرف ملک میں نہیں بلکہ پوری دنیا میں اتنا جھوٹ بولنے والی کوئی اور پارٹی نہیں ہوگی۔ ہٹلر کی حکومت میں ایک جھوٹ کا پروپیگنڈہ وزیر تھا۔ لیکن یہبی جے پی حکومت پوری کی پوری جھوٹی ہے۔ آج ہم بھی نوراتر کے موقع پر دعا کرتے ہیں کہ یہ حکومت سچ بولے۔
اکھلیش نے پارٹی صدر کی ذمہ داری سونپے جانے کے لئے کارکنوں کا شکریہ ادا کیا۔ انہوں نے کہا’مجھے یہ ذمہ داری آپ نے اس وقت دی ہے جب ملک کی جمہوریت و آئین کو خطرات لاحق ہیں۔ اس لئے آج ہم کو عزم کرنا ہے کہ آنے والے 5سالوں میں ہمیں نئی تاریخ رقم کرنی ہوگی۔
انہوں نے مودی حکومت پر بھی جم کرنشانہ سادھا۔ اکھلیش نے کہا’اس حکومت نے نوٹ بندی اور جی ایس ٹی لاکر ہماری عوام کو بہت پریشان کیا۔ اس کے بعد تین کالے قوانین لاکر کسانوں کو ہراساں کیا۔اس کی وجہ سے کئی کسانوں نے کودکشی کرلیا ور الیکشن کے وقت انتخابی فائدے کے لئے حکومت نے یہ قانون واپس لے لئے۔
سمیلن میں سیاسی اور معاشی تجاویز بھی پیش کی گئیں۔ اس میں مرکزی اور اترپردیش کی بی جےپی حکومت کی غلط پالیسیوں کی وجہ سے ملک میں بے روزگاری اور مہنگائی جیسے مسائل کو بول بالا ہونے کی بات کہی گئی۔ قومی کنونشن میں ایس پی کے سبھی اراکین پارلیمنٹ اوراراکین اسمبلی و دیگر عوامی نمائندے اورسینئر و تجربہ کار لیڈران ادئے ویر سنگھ، کرن میے نندا، رام گوپال یادو ،اداکارہ جیہ بچن اور اکھلیش کی بیوی و سابق ایم پی ڈمپل یادو بھی موجود تھیں۔