پارٹی ترجمان نے کہا : 2 اکتوبر کو ہم رام لیلا میدان میں دھرنا کرنا چاہتے تھے، دہلی پولیس نے پرمیشن دینے سے انکار کردیا
کلکتہ (یواین آئی) ترنمول کانگریس کے مرکزی حکومت کے خلاف دہلی میں احتجاج کرنے کے پروگرام کو دہلی پولس نے اجازت دینے سے انکارکردیا ہے۔2اکتوبر کو ترنمول کانگریس دہلی کے رام لیلا میدا ن میں مرکزی حکومت کے ذریعہ ریاستی حکومت کے فنڈ روکے جانے کے خلاف دن بھر احتجاج کرنے کا پروگرام تھا۔اس میں ممتا بنرجی بھی شرکت کرنے والی تھیں ۔
ترنمول کانگریس کے ترجمان کنال گھوش نے کہا کہ 2 اکتوبر کو ہمارا دھرنا دہلی میں تھا، ہم رام لیلا میدان میں دھرنا کرنا چاہتے تھے۔ اب دہلی پولیس نے اس کی اجازت دینے سے انکار کردیا ہے۔ہم 30 ستمبر سے 4 اکتوبر تک رام لیلا میدان چاہتے ہیں۔میٹنگ2 اکتوبر کو ہوگا۔ ہم نے انہیں 23 اگست کو درخواست دی تھی مگر دہلی پولیس نے 28 اگست کو اچانک بتایا کہ بکنگ پہلے ہی ہوچکی ہے۔اس لپے انہیں نہیں دیا جائے گا ۔
کنال گھوش نے مزید کہاکہ ممتا بنرجی اور ابھیشیک بنرجی کو روکنے کےلئے دہلی پولیس نے انہیں روکنے کے لیے پکٹ پرمٹ منسوخ کر دیا ہے۔ یہ بی جے پی کے اشارے پر فیصلہ کیا گیا ہے۔یہ ایک سیاسی فیصلہ ہے۔انہوں نے کہاکہ دہلی پولیس مرکزی وزارت داخلہ کے ماتحت ہے۔ فطری طور پر، ترنمول کانگریس لیڈروں کو پروگرام کرنے پولیس کی جانب سے اجازت نہ دینے کے پیچھے بی جے پی کی ‘سازش نظر آتی ہے۔ ان کے مطابق بی جے پی دراصل خوفزدہ ہے۔ اس لیے وہ تحریک کو روکنے کے لیے پولیس کو ڈھال کے طور پر استعمال کر رہے ہیں۔
