لندن، 5جولائی (یو این آئی) برطانیہ میں عام انتخابات کے نتائج کا سلسلہ جاری ہے، 650 سے 440 نشستوں کے نتائج سامنے آگئے ہیں۔برطانوی میڈیا کے مطابق لیبرپارٹی نے شاندار فتح حاصل کرکے حکومت بنانے کے لئے مطلوبہ نشستیں حاصل کرلی ہیں، لیبرپارٹی نے 331 نشستیں حاصل کرکے انتخابی میدان مار لیا ہے۔برطانوی وزیراعظم رشی سونک کا اپنی شکست تسلیم کرتے ہوئے کہنا تھا کہ آج کی رات مشکل ترین تھی، انتخابات میں شکست کی ذمہ داری قبول کرتا ہوں۔رشی سونک نے کہا کہ لیبرپار ٹی انتخابات جیت گئی ہے،مبارکبادپیش کرتاہوں، برطانوی عوام نے آج رات ایک سنسنی خیز فیصلہ سنایا، سیکھنے کیلئے بہت کچھ ہے۔
واضح رہے کہ لیبر پارٹی 100 سیٹوں پر کامیابی حاصل کرنے کے ساتھ بڑی کامیاب کی جانب گامزن ہے۔سربراہ لیبر پارٹی سرکیئر اسٹارمر کا عوام سے خطاب میں کہنا تھا کہ اتنے بڑے مینڈیٹ کے ساتھ اتنی بڑی ذمہ داری بھی عوام نے دی، برطانوی عوام کی خدمت کریں گے۔انہوں نے کہا کہ ملک کے عوام نے تبدیلی کا ووٹ دیا، عوام نے فیصلہ سنادیا وہ تبدیلی کیلئے تیار ہیں۔بتادیں کہ برطانیہ میں عام انتخابات کے دوران کنزرویٹو پارٹی کو تاریخی شکست ملی ہے جبکہ لیبر پارٹی نے تاریخی فتح حاصل کرلی ہے۔بین الاقوامی خبر رساں ادارے کی رپورٹ کے مطابق برطانیہ میں عام انتخابات کے نتائج کا سلسلہ جاری ہے۔
سربراہ لیبر پارٹی سرکیئر اسٹارمر کا عوام سے خطاب میں کہنا تھا کہ اتنے بڑے مینڈیٹ کے ساتھ اتنی بڑی ذمہ داری بھی عوام نے دی، برطانوی عوام کی خدمت کریں گے۔
انہوں نے کہا کہ ملک کے عوام نے تبدیلی کا ووٹ دیا، عوام نے فیصلہ سنادیا وہ تبدیلی کیلئے تیار ہیں۔انتخابات میں مختلف سیاسی جماعتوں سے تعلق رکھنے والے 4515 امیدواروں نے حصہ لیا۔آج جمعے کو ہی سرکاری نتائج کا اعلان متوقع ہے جس کے بعد جیتنے والی جماعت کے رہنما کی ملاقات شاہ چارلس سوم کے ساتھ ہوگی جو حکومت بنانے کی دعوت دیں گے۔برطانوی پارلیمانی نظام کے مطابق پارلیمنٹ میں سادہ اکثریت حاصل کرنے کے لیے کسی بھی جماعت کو 326 نشستیں حاصل کرنا ہوتی ہیں۔
واضح رہے کہ برطانوی وزیراعظم رشی سونک نے اپنی شکست کو تسلیم کرلیا ہے، اُن کا کہنا ہے کہ آج کی رات مشکل ترین تھی،انتخابات میں شکست کی ذمہ داری قبول کرتا ہوں۔
رشی سونک کا کہنا ہے کہ لیبرپار ٹی انتخابات جیت گئی ہے،مبارکباد پیش کرتا ہوں، برطانوی عوام نے آج رات ایک سنسنی خیز فیصلہ سنایا، سیکھنے کیلئے بہت کچھ ہے۔
