کلکتہ (یواین آئی)سندیش کھالی میں ای ڈی کی ٹیم پر حملے کے معاملے میں سی بی آئی نے دعویٰ کیا ہے کہ شاہجہاں شیخ نے ہی گائو ں والوں کو ای ڈی کی ٹیم پر حملہ کرنے کی ہدایت دی تھی۔سی بی آئی کے وکیل نے جمعرات کو بشیرہاٹ عدالت میں یہ دعویٰ کیاکہ تحقیقات میں یہ تمام معلومات سامنے آئی ہیں۔ عدالت نے شاہجہان کو 12 دن کے لیے جیل بھیج دیا۔ ایک اور کیس میں پانچ دن کے لیے جیل بھیج دیا گیا۔
ترنمول کانگریس کے معطل لیڈر شاہجہاں شیخ کی چھ دن کی سی بی آئی حراست ختم ہو گئی ہے۔ اسے جمعرات کو بشیرہاٹ سب ڈویژنل عدالت میں پیش کیا گیا۔ عدالت کے احاطے میں مرکزی فورسز اور پولیس کو تعینات کیا گیا ہے۔ سی بی آئی نے شاہجہاں کی تحویل کی درخواست نہیں کی ہے۔ سی بی آئی کے وکیل نے دعویٰ کیا کہ ای ڈی اہلکاروں پر حملہ 5 جنوری کو شاہجہاں کے حکم پر کیا گیا تھا۔ اس نےہی اپنے گھر کے آس پاس اپنے حامیوں کو جمع کیا تھا۔شاہجہاں کے ساتھ سوکمل سردار اور محب ملا کو بھی عدالت میں پیش کیا گیا۔ بشیرہاٹ سب ڈویژنل عدالت نے بھی انہیں 12 دن کی جیل کی تحویل میں رکھنے کا حکم دیا۔ شاہجہاں کے ’قریبی‘ اجیت میتی کو سندیش کھالی تھانے کی پولیس نے پانچ دن کے لیے دوبارہ حراست میں لے لیا ہے۔ اجیت کو سند یش کھالی تھانے کی پولیس نے گرفتار کیا تھا۔ چھ دن کی پولیس حراست کے بعد جمعرات کو اسے بشیرہاٹ سب ڈویژنل عدالت میں پیش کیا گیا۔ سندیش کھالی تھانے کی پولیس نے مقدمہ نمبر 76 میں ان کی سات دن کی تحویل کی درخواست دی تھی۔ عدالت نے پانچ روزہ پولیس ریمانڈ کا حکم دیا۔ سندیش کھالی تھانے میں اس کے خلاف کئی شکایتیں ہیں۔ سندیش کھالی تھانے کی پولیس ان تمام الزامات کے بارے میں پوچھ گچھ کے لیے اجیت میتی کو حراست میں لینا چاہتی تھی۔ انہیں 2 اپریل کو بشیرہاٹ ہائی کورٹ میں پیش کیا جائے گا۔5 جنوری کو ای ڈی نے راشن بدعنوانی معاملے میں شاہجہاں کے سندیش کھالی میں گھر پر چھاپہ مارنے پہنچی تھی ۔اس وقت مرکزی تفتیشی ایجنسی کے اہلکاروں پر مقامی لوگوں نےحملہ کردیا ۔اس حملے میں تین ای ڈی اہلکار زخمی ہوگئے ۔
اس کے بعد سندیش کھالی کے رہائشیوں کا ایک حصہ شاہجہاں کے پیروکاروں پر تشدد کا الزام لگاتے ہوئے سڑک پر آ گیا۔ شاہجہاں کے قریبی دو لیڈروں، اتم سردار اور شیو پرساد ہزارا عرف شیبو کو پولیس نے گرفتار کر لیا۔تاہم شاہجہاں شیخ کئی ہفتے تک لاپتہ رہے۔ 55 دن کے بعد 29 فروری کو شاہ جہاں کو گرفتار کر لیا گیا۔ پولیس ذرائع کے مطابق اسے میناخان سے گرفتار کیا گیا۔ بشیرہاٹ عدالت نے اسے 10 دن کے ریمانڈ پر بھیجنے کا حکم دیا۔ وہ سی آئی ڈی کی تحویل میں تھا۔ بعد میں کلکتہ ہائی کورٹ نے شاہجہاں کو سی بی آئی کے حوالے کرنے کو کہا۔ سندیش کھالی کی جانچ کی ذمہ داری سی بی آئی کے حوالے کرنے کی ہدایت دی ۔
