ایل ٹی ٹی ای سے متعلق معاملہ میں این آئی اے کی چارج شیٹ

چنئی(یو این آئی) قومی تحقیقاتی ایجنسی (این آئی اے) نے سری لنکا اور ہندوستان میں ممنوعہ لبریشن ٹائیگرس آف تمل ایلم (ایل ٹی ٹی ای) کو دوبارہ فعال کرنے سے متعلق ایک معاملے میں ایک اور ملزم کے خلاف چارج شیٹ داخل کی ہے۔
این آئی اے کی طرف سے جاری بیان میں یہ جانکاری دی گئی ہے۔ این آئی اے کوچی برانچ نے ہفتہ کی شام کو پونملی بم دھماکہ کیسوں کی خصوصی سماعت کے لئے این آئی اے کے مقدمات کے لئے خصوصی عدالت/سیشن عدالت کے سامنے چارج شیٹ داخل کی تھی۔
لنگم اے عرف ایڈلنگم اس معاملے میں 14 ویں ملزم ہے جن کے خلاف چارج شیٹ داخل کی گئی ہے۔ اس معاملے میں اب تک 16 لوگوں کو ملزم بنایا گیا ہے۔آدی لنگم پر منشیات اور اسلحہ کی غیر قانونی تجارت کے ذریعے کالعدم دہشت گرد تنظیم کو بحال کرنے کی سازش اور کام کرنے کا الزام ہے۔ اس نے منشیات کی فروخت سے حاصل ہونے والی حوالہ رقم کی وصولی کے لیے ایک ایجنٹ کے طور پر بھی کام کیا، جسے ایل ٹی ٹی ای کی مزید سرگرمیوں کو ہوا دینے کے لیے تقسیم کیا جا رہا تھا۔
عدالت میں داخل کی گئی سپلیمنٹری چارج شیٹ میں ایجنسی نے پوری سازش میں آدی لنگم کے رول کی تفصیل دی ہے۔چارج شیٹ میں انکشاف کیا گیا ہے کہ ملزم تمل فلم انڈسٹری میں پروڈکشن ایگزیکٹو کے طور پر کام کر رہا تھا، لیکن خفیہ طور پر ایل ٹی ٹی ای کے اہم رہنماو¿ں/کیڈروں اور منشیات کے اسمگلروں کے کلیدی آپریٹر کے طور پر کام کر رہا تھا، جن میں سری لنکائی شہری گناسیکرن، اور اس کا بیٹا تھیلیپن بھی شامل تھا۔ اس سے قبل 15 جون 2023 کو، این آئی اے نے 13 ملزمان کے خلاف خصوصی عدالت میں چارج شیٹ داخل کی تھی جس میں ان پر تمل ناڈو کے مختلف حصوں میں بحر ہند کے علاقائی پانیوں میں دہشت گردانہ سرگرمیوں اور منشیات کی اسمگلنگ کا الزام لگایا گیا تھا۔