وزیراعلیٰ ہماچل پردیش نے 110 کروڑ روپے کی ترقیاتی اسکیموں کا افتتاح اور سنگ بنیاد رکھا

شملہ، 13 مارچ (یو این آئی) ہماچل پردیش کے وزیر اعلیٰ ٹھاکر سکھویندر سنگھ سکھو نے بدھ کو سرمور ضلع کے شیلائی اسمبلی حلقہ میں تقریباً 110 کروڑ روپے کی مختلف اسکیموں کا افتتاح اور سنگ بنیاد رکھا۔مسٹرسکھو نے تحصیل کمرو کی گرام پنچایت کانڈو چیوگ میں 59.67 لاکھ روپے کی لاگت سے تعمیر شدہ فلو اریگیشن اسکیم سوینگا باغ اور 1.85 کروڑ روپے کی لاگت سے تعمیر کی گئی لفٹ اریگیشن اسکیم کانڈو چیوگ کا افتتاح کیا۔
مسٹرسکھو نے 15.90 کروڑ روپے کی لاگت سے تعمیر ہونے والی سالوالا-ستون سڑک کا سنگ بنیاد رکھا۔ انہوں نے سب تحصیل رونہاٹ میں 69.60 لاکھ روپے کی لاگت سے تعمیر ہونے والے ویٹرنری اسپتال اور 15.02 لاکھ روپے کی لاگت سے گورنمنٹ سینئر سیکنڈری اسکول ٹٹیانہ میں برآمدے سمیت دو اضافی کمروں کا سنگ بنیاد رکھا۔
وزیر اعلیٰ نے 7 کروڑ روپے کی لاگت سے تعمیر ہونے والی شلائی نایا تا کنڈی-سندرادی سڑک، 17.64 کروڑ روپے سے تعمیر ہونے والی ڈرابیل نینی دھار تا ہلان سڑک کا سنگ بنیاد رکھا۔ انہوں نے 30.68 کروڑ روپے کی لاگت سے تعمیر ہونے والے کفوٹا-کوٹی-کانڈو-چیوگ سے ٹونس پل تک سڑک کی اپ گریڈیشن کے کام کا بھی سنگ بنیاد رکھا۔
انہوں نے ٹمبی میں 1.38 کروڑ روپے کی لاگت سے تعمیر ہونے والے پرائمری ہیلتھ سنٹر کی عمارت، سول اسپتال شلائی میں 19.36 کروڑ روپے کی لاگت سے جدید سہولیات سے آراستہ 100 بستروں پر مشتمل اسپتال، گرام پنچایت شرلی مان پور میں 2.95 کروڑ روپے کی لاگت سے تعمیر ہونے والی لفٹ اریگیشن اسکیم گڈی اورگرام پنچایت باندلی میں 2.25 کروڑ روپے کی لاگت سے باگنا بستی کے لیے تعمیر ہونے والی لفٹ آبپاشی اسکیم گڈی اور لفٹ ڈرنکنگ واٹر اسکیم کا بھی سنگ بنیاد رکھا۔انہوں نے ستون میں 6 کروڑ روپے کی لاگت سے تعمیر ہونے والے راجیو گاندھی آدرش ڈے بورڈنگ اسکول اور کفوٹا میں 3.79 کروڑ روپے کی لاگت سے تعمیر ہونے والے 33 کے وی پاور سب اسٹیشن کا سنگ بنیاد بھی رکھا۔
وزیر اعلیٰ نے شلائی میں ریاستی بجلی بورڈ کا ڈویژنل دفتر کھولنے، شلائی میں بجلی بورڈ کے ایگزیکٹو انجینئر کا دفتر کھولنے، تحصیل کمرو میں تحصیل ویلفیئر آفیسر کے دفتر کے قیام اور جاکھنا میں انڈسٹریل ٹریننگ انسٹی ٹیوٹ کھولنے کا اعلان کیا۔ انہوں نے رونہاٹ میں بلاک ایجوکیشن آفس کھولنے کا بھی اعلان کیا۔ انہوں نے کوٹہ پاب اور ہالاں میں بنیادی صحت مراکز اور تھوٹاں جاکھل، شمالی اور نایا پنجور میں صحت کے ذیلی مراکز کھولنے کا بھی اعلان کیا۔ خوبیار میں گورنمنٹ مڈل اسکول، گنگٹولی میں گورنمنٹ ہائی اسکول، تالو باس میں گورنمنٹ پرائمری اسکول، گرام پنچایت کوڈگا کے پنوار میں گورنمنٹ پرائمری اسکول، جاکھنڈو میں ویٹرنری ڈسپنسری کا اعلان کیا۔ ان کا کہناتھا کہ شلائی اسپتال میں ماہر ڈاکٹر بھی دستیاب کرائے جائیں گے۔
اس موقع پر صنعت، پارلیمانی امور اور محنت و روزگار کے وزیر ہرش وردھن چوہان، ریاستی اسمبلی کے ڈپٹی اسپیکر ونے کمار، ناہن کے ایم ایل اے اجے سولنکی، پاونٹا صاحب کے سابق ایم ایل اے کرنیش جنگ، اسمبلی انتخابات میں کانگریس کے امیدواررہیں دیال پیاری، ضلع کانگریس کمیٹی کے صدر آنند پرمار، ریاستی کانگریس کمیٹی کے سکریٹری اونیت لامبا، بلاک کانگریس کمیٹی شیلائی کے صدر سیتا رام شرما، کانگریس پارٹی کے دیگر عہدیدار، پنچایتی راج اداروں کے نمائندے، دیگر معززین، ڈپٹی کمشنر سرمور سمت کھمٹا، پولیس سپرنٹنڈنٹ سرمور رمن کمار مینا، دیگر سینئر افسران اور بڑی تعداد میں شلائی کے رہائشی موجود تھے۔