نئی دہلی، یکم اکتوبر (یو این آئی) بزرگ افراد کے عالمی دن کے موقع پر غیر سرکاری تنظیم ہیلپ ایج انڈیا نے اپنے وقت کی معروف اداکارہ اور پدم بھوشن ایوارڈ یافتہ شرمیلا ٹیگور کو اپنا اعزازی برانڈ ایمبیسیڈر مقرر کیا ہے اس ذمہ داری کے ساتھ شرمیلا ٹیگور نے ہیلپ ایج انڈیا کی ملک گیر مہم ‘جنریشن ٹوگیدر’ اور ‘ینگ چیمپیئن فار دی ایلڈر کاز’ کی مہم اسکول کے بچوں اور نوجوانوں کی شروع کی ہے ان مہمات کا مقصد نسلوں کے درمیان رشتوں کو مضبوط کرنا اور عمر کے لحاظ سے ایک معاشرے کی تشکیل کرنا ہے۔
آج یہاں ہیلپ ایج انڈیا کے زیر اہتمام ایک تقریب سے خطاب کرتے ہوئے شرمیلا ٹیگور نے کہا "میں زندگی کے اس مرحلے پر ہوں جب میں وہ کرنا چاہتی ہوں جو مجھے پسند ہے۔ میں ہیلپ ایج انڈیا کا برانڈ ایمبیسیڈر ہونے کی ذمہ داری کے لیے پابند ہوں۔ مجھے امید ہے کہ اس سے تبدیلی لانے میں مدد ملے گی اور میں بزرگوں کے مسائل کو اٹھانے، بیداری پیدا کرنے اور لوگوں کو آگے آنے اور اس مسئلے کی حمایت کرنے کے لیے آواز بننے کے قابل ہو جاؤں گی کیونکہ ہم سب اس کی طرف بڑھ رہے ہیں۔‘‘
ہیلپ ایج انڈیا کے سی ای او روہت پرساد نے تقریب سے خطاب کرتے ہوئے کہا "جنریشن ٹوگیدر مہم کا مقصد مختلف نسلوں کے درمیان مکالمے، بات چیت اور تعاون کو فروغ دینا ہے، اس طرح ہمارے معاشرے کو مختلف عمر کے گروپوں کے تئیں ہمدرد بنانا ہے۔ ہمیں ایک ہم آہنگ معاشرے کے لیے نسلوں کے درمیان مضبوط رشتوں کی ضرورت پر غور کرنا چاہیے، تاکہ بزرگ نوجوانوں کو زندگی کے اہم اسباق دے سکیں اور نوجوانوں سے یہ سیکھ سکیں کہ وہ بدلتی ہوئی ڈیجیٹل دنیا سے ہم آہنگ رہیں۔ ‘‘
مختلف اسٹیک ہولڈرز کے تعاون پر زور دیتے ہوئے ہیلپ ایج انڈیا کے صدر کرن کارنک نے کہا "معمر افراد کو معاشرے میں ہم آہگ کرنے کے لیے مختلف اسٹیک ہولڈرز کا تعاون بہت ضروری ہے۔ دوسرے شعبوں میں بھی بہت سے لوگوں کا تعاون ہے، جیسے مرکزی اور ریاستی حکومتوں میں بہت سی وزارتیں اور مقامی ادارے ہیں۔ اسی طرح ماہرین تعلیم، سرکاری اور نجی شعبے، خیراتی تنظیموں، رضاکار گروپوں وغیرہ کا تعاون آج بہت ضروری ہے۔ آج 14 کروڑ بزرگوں کی یہ آبادی 2050 تک بڑھ کر 30 کروڑ سے زیادہ ہوجائے گی، اس لیے ہمیں اپنی صحت، سماجی تحفظ اور روزگار کی پالیسیوں پر نظر ثانی کرنے کی ضرورت ہے۔‘‘
