ممبئی میں منعقدہ سہ روزہ تبلیغی اجتماع کا اختتام

ممبئی (یواین آئی) ممبئی کا سہ روزہ تبلیغی اجتماع آج دیونارکے وسیع و عریض گراؤنڈ پر مولانایوسف صاد کی دعا ء پر اختتام پذیر ہوا اور اجتماع میں لاکھوں فرزندان توحید نے شرکت کی ۔یہاں اللّٰہ کے حضور ساری دنیا ،انسانیت اور عالم اسلام کی بہتری اور امن وامان کے لیے گڑگڑکردعا کی گئی۔مولانا نے تین گھنٹے تک بیان جاری رکھا۔
واضح رہے کہ مذکورہ تبلیغی جماعت کا جمعہ کو آغاز ہواتھا اورحضرت صادکے بیٹے مولا نا محمد یوسف کاندھلوی نے نماز جمعہ کی امامت کی ۔ آج اتوار کی وجہ سے صبح سے عمومی اجتماع کا آغاز ہوا جبکہ پہلے دن مشورے اور انتظامی امور پر گفتگو کی گئی۔اور علمائے کرام بیانات جاری رہے۔ آج بھیربھاڑ کی وجہ سے تمام انتظامات کئے گئے ہیں اور گروپ ترتیب دیئے گئے ہیں۔ اس دوران علماء نے خصوصی ہدایات دی تھیں۔
اس موقع مولانا محمد یوسف نے مشورے کی اہمیت پر روشنی ڈالتے ہوئے ذمہ داران کو متوجہ کیا کہ اس جانب خصوصی توجہ دیں اور مسجدوں میں اپنے بھائیوں کی آمد کو دیکھ کر مطمئن نہ ہو جا ئیں کیونکہ جتنا مجمع مسجد اور مسجد والے اعمال سے جڑا ہوا ہے ، اس سے بڑا مجمع مسجد اور مسجد والے اعمال سے دور ہے، ہمیں ان سب کو مسجد میں لانے کی فکر کرنی ہے۔ انہوں نے تبلیغ کی اہمیت اور امت کی ذمہ داری یاد دلائی۔
انہوں نے مزید کہا کہ جس طرح ہم دنیاوی امور میں توجہ دیتے ہیں اور نفع نقصان کو سامنے رکھتے ہیں اسی طرح ہمیں آخرت اور قبر وحشر کو سامنے رکھتے ہوئے تیاری کرنی ہے، اگر ایسا نہ کیا تو اتنا بڑا نقصان ہوگا کہ اندازہ لگانا مشکل ہوگا ۔ مولا نا محمود اکولوی نے اپنے خطاب میں خاص طور پر اجتماع کے دوران وقت کی پابندی اور اس کا صحیح استعمال کیسے ہو، اس پر توجہ دلائی ۔ انہوں نے کہا کہ ہمارا جمع ہونا اللہ ر ب العزت کی رضا اور حضور اکرم کی سنتوں کی اتباع اور اسے چل پھر کر پورے عالم میں عام کرنا ہے۔ اس قبل مولانا محمد فرقان (دیوبند) نے کہا کہ آج امت کے کیا حالات ہیں، کسی سے مخفی نہیں اس لئے ہمیں اپنی ذات سے کام شروع کرنا ہے اور دوسرے بھائی کی مدد کرنی ہے تا کہ اس کی بھی اصلاح ہو اور پوری دنیا میں کس طرح سے دین زندہ ہو، اس کی فکریں کرنی ہیں۔ دیونار ذبح خانہ کے وسیع میدان میں ہر ایک طبقہ سے تعلق رکھنے والے مسلمان موجود تھے۔کھانے پینے اور طبی امداد کا بھی خصوصی انتظام تھا۔