حج کیلئے دوسری قسط جمع کرانے کی تاریخ میں چوتھی بار توسیع

نئی دہلی، 26مارچ (یو این آئی)عازمین کے لیے حج اخراجات کی دوسری قسط مبلغ 1,70000 جمع کرانے کی آخری تاریخ میں 28 مارچ 2024 تک توسیع کردی گئی ہے۔
حج کمیٹی آف انڈیا کے سی، ای،او، ڈاکٹر لیاقت علی آفاقی- آئی، آر، ایس نے بتایا کہ حج اخراجات کی دوسری قسط جمع کرانے کی آخری تاریخ پہلے 10 مارچ مقرر کی گئی تھی جس میں ریاستی حج کمیٹیوں اور حج سے وابستہ سرکاری و غیر سرکاری تنظیموں کے مطالبہ پر 15 مارچ پھر 18 مارچ تک اور اب آخری موقع دیتے ہوئے چوتھی بار 28 مارچ تک توسیع کر دی گئی ہے۔ اس کے بعد توسیع کی کوئی گنجائش نہیں ہے۔ ڈاکٹر آفاقی نے مزید بتایا اب تک 4886 عازمین نے دوسری قسط مبلغ 1,70000جمع نہیں کرائی ہے ان سے گزارش ہے کہ وہ معینہ تاریخ 28 مارچ تک دوسری قسط حج کمیٹی آف انڈیا کی ویب سائڈ https://hajcommittee.gov پر بتائے طریقے پر آن لائن یا آف لائن حج کمیٹی آف انڈیا کے اکاونٹ میں جمع کرا دیں۔ جو بھی عازمین اگر 28 مارچ تک دوسری قسط جمع کرانے میں نا کام رہتے ہیں تو ان کا عارضی سلیکشن منسوخ کردیا جائے گا۔
یو این آئی۔ ع ا۔