ڈی آر ڈی او نے ‘ابھیاس’ وہیکل کا کامیاب تجربہ کیا

نئی دہلی، 5 جنوری (یو این آئی) ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) نے چندی پور، اڈیشہ میں انٹیگریٹڈ ٹیسٹ رینج سے ہائی اسپیڈ ایکسپینڈیبل ایریل ٹارگٹ (ایچ ای اے ٹی) ابھیاس وہیکل کے چار کامیاب اڑان ٹیسٹ کیے ہیں۔
وزارت دفاع نے پیر کو ایک بیان جاری کرتے ہوئے کہا کہ یہ ٹیسٹ 30 جنوری سے 2 فروری کے درمیان کیے گئے۔ یہ ٹیسٹ چار مختلف مشن مقاصد جیسے کہ بوسٹر کی محفوظ رہائی، لانچر کلیئرنس اور لانچ ویگ کی رفتار کے حوالے سے کیے گئے۔ فلائٹ ٹیسٹ کے دوران مطلوبہ قوت برداشت، رفتار، نقل و حرکت، اونچائی اور رینج جیسے مختلف پیرامیٹرز کو کامیابی کے ساتھ سرٹیفائڈ کیاگیا۔
ڈی آرڈی او کے ایروناٹیکل ڈیولپمنٹ اسٹیبلشمنٹ (اے ڈی ایس) کی طرف سے ڈیزائن کیا گیا، ابھیاس ہتھیاروں کے نظام کی مشق کے لیے ایک حقیقی خطرے کا منظر پیش کرتا ہے۔ اسے ای ڈی ای کے ذریعہ مقامی طور پر تیارآٹو پائلٹ کی مدد سے خود مختار پرواز کے لیے ڈیزائن کیا گیا ہے۔وزیر دفاع راج ناتھ سنگھ نے ابھیاس کے کامیاب فلائٹ ٹیسٹنگ کے لیے ڈی آر ڈی او، مسلح افواج اور صنعت کے شعبے کو مبارکباد دی ہے۔ انہوں نے کہا کہ اس نظام کی ترقی سے مسلح افواج کے لیے فضائی اہداف کی ضروریات پوری ہوں گی۔ڈاکٹر سمیر وی کامت، سکریٹری اور چیئرمین محکمہ دفاعی تحقیق اور ترقی نے نظام کے ڈیزائن، ترقی اور جانچ میں شامل ٹیموں کی کوششوں کو سراہا۔