جشیشان (یو این آئی) شمال مغربی چین کے صوبہ گانسو میں پیر کی آدھی رات کو آنے والے 6.2 شدت کے زلزلے سے صوبے میں 111 افراد کی ہلاکت ہوئی ہے، یہ اطلاع منگل کی صبح منعقدہ پریس کانفرنس میں دی گئی۔چائنا ارتھ کوئیک نیٹ ورکس سینٹر کے مطابق زلزلہ پیر کی رات 11 بج کر 59 منٹ پر آیا اور اس کا مرکز سطح سے 10 کلومیٹر کی گہرائی میں تھا۔ زلزلے کا مرکز Liugou ٹاؤن شپ سے تقریباً 8 کلومیٹر کے فاصلے پر تھا۔
#UPDATE: 8 people were killed and some are trapped after a M6.2 earthquake jolted Linxia, NW China's Gansu, on Monday night. 580 firefighters are heading to the epicenter and rescue is still underway. pic.twitter.com/OpQDOa1akT
— People's Daily, China (@PDChina) December 18, 2023
زلزلے سے 199 افراد زخمی ہوئے اور علاقے میں 6381 مکانات کو نقصان پہنچا ہے۔ پریس کانفرنس میں صوبائی ایمرجنسی مینجمنٹ ڈپارٹمنٹ کے ترجمان ہان شوجن نے کہا کہ صبح 8 بجے تک 32 آفٹر شاکس ریکارڈ کیے گئے، جن میں سب سے زیادہ شدت 4.0 ریکارڈ کی گئی۔زلزلے سے کچھ دیہی سڑکیں تباہ ہوگئی ہیں اور کچھ علاقوں میں بجلی کی منقطع ہوئی ہےاور ٹیلی مواصلات کی سہولت کو نقصان پہنچا ہے۔ زلزلے کے جھٹکے پڑوسی صوبے چنگھائی میں بھی محسوس کیے گئے، جس کے نتیجے میں 11 افراد ہلاک ہوئے۔ادھربیجنگ سے موصولہ خبرمیں بتایا گیا ہے کہ شمال مغربی چین میں ژنجیانگ کے ایغور خود مختار خطہ کے تحت کزیلسو کرگیز کے اٹکس شہر میں صبح 9:46 بجے ریختر پیمانے پر 5.5 شدت کے زلزلے کے جھٹکے محسوس کیے گئے۔چین کے زلزلہ نیٹ ورکس سینٹر کے مطابق یہ زلزلہ منگل کے روز صبح کے وقت آیا۔زلزلہ نیٹ ورکس سینٹر نے کہا کہ زلزلے کا مرکز سطح زمین سے 10 کلومیٹر کی گہرائی میں ابتدائی طور پر 40.02 ڈگری شمالی عرض البلد اور 77.86 ڈگری مشرقی طول البلد پر درج کیا گیا ہے۔
