آٹھ حفاظ کی دستاربندی نومارچ کوہوگی،اجلاس میں عوام سے شرکت کی اپیل
مونگیر(پریس ریلیز)مدرسہ دارالسلام اکرام نگربینی گیرمونگیرمیں چارطلبہ نے ایک دن میں مکمل قرآن مجیدسنانے کاشرف حاصل کیا۔جن طلبہ نے اپنے اساتذہ کے درمیان ایک دن میں مکمل قرآن مجیدسنایا،وہ ہیں:حافظ محمدمظہرعالم رحمانی بن جناب محمدعرفان حاجی پورکھگڑیا،حافظ ابوطالب رحمانی بن جناب محمدہشام رواہی ارریہ،حافظ محمدامتیازعالم رحمانی بن جناب محمدسلطان مرحوم بڑی بلیابیگوسرائے،حافظ محمدضیاء قمررحمانی بن مولاناقمرالزماں رحمانی مہتمم مدرسہ دارالسلام اکرام نگرمونگیر۔نیزجن طلبہ کی دستاربندی ہونی ہے انھوں نے بھی دس ،چھ اورپانچ پارے یومیہ کے حساب سے قرآن مجیدسنایاہے۔ا س سے اندازہ لگایاجاسکتاہے کہ مدرسہ کاتعلیمی معیارکتنابلندہے اوربچوں پرکیسی محنت کی جاتی ہے۔
اس موقع پرمہتمم مدرسہ دارالسلام مولانا قمرالزماں رحمانی نے تمام طلبہ کومبارک باددیتے ہوئے کہاکہ قرآن مجیدکی تلاوت اپنے آپ میں بڑااجررکھتی ہے،اس کے علاوہ کتنے سعادت مندہیں وہ طلبہ جنہوں نے اسے اپنے سینہ میں محفوظ کیا،یہ بڑاقیمتی اثاثہ ہے جسے ان طلبہ نے اپنے اوراپنے اہل خانہ کی آخرت کے لیے ذخیرہ بنادیاہے اوراس سے آگے بڑھ کرانہوں نے قرآن مجیداس طرح یادکیاکہ ایک دن میں مکمل قرآن سنانے کاشرف حاصل کرچکے ہیں۔انہوں نے دیگرحفاظ طلبہ کوبھی مبارک باد دی جن کی اسی ماہ دستاربندی ہونے والی ہے۔واضح ہوکہ مدرسہ دارالسلام اکرام نگر،بینی گیر،مونگیرکادوسرااجلاس دستاربندی مؤرخہ 9 مارچ 2023، بروز جمعرات بعد نمازمغرب منعقدہوگا۔ان شاء اللہ۔اس موقع پراکابرعلمائے کرام آٹھ حفاظ کرام کے سروں پردستارباندھیں گے ۔ یہ لمحہ ان کے لیے اوران کے والدین کے لیے کتناقیمتی ہوگااس کااندازہ نہیں لگایاجاسکتا۔
مہتمم مدرسہ ہذانے مزیدبتایاکہ یہ اجلا س مفکرملت حضرت مولانااحمدولی فیصل رحمانی دامت برکاتہم سجادہ نشیں خانقاہ رحمانی مونگیر، امیرشریعت امارت شرعیہ بہاراڈیشہ وجھارکھنڈ،سرپرست جامعہ رحمانی مونگیر،رکن عاملہ آل انڈیامسلم پرسنل لاء بورڈکی صدارت میں منعقدہوگاجس میں حضرت مولاناجمیل احمد مظاہری استاذحدیث جامعہ رحمانی مونگیر،حضرت مولاناایوب نظامی قاسمی بانی ومہتمم مدرسہ صوت القرآن پٹنہ،حضرت مولاناامان اللہ مظاہری مہتمم مدرسہ اسلامیہ قاسم العلوم بیگوسرائے،حضرت مولاناظفرعبدالرئوف رحمانی جنرل سکریٹری رحمانی فائونڈیشن مونگیر،حضرت مولاناسیف الرحمن ندوی استاذجامعہ رحمانی مونگیر،حضرت مولانامشیرالدین رحمانی سربراہ اقلیتی ہاسٹل مونگیرکی شرکت ہوگی ،ان کے علاوہ جناب مولاناقاری خورشیداکرم رحمانی امام وخطیب جامع مسجدآسنسول تلاوت فرمائیں گے نیزشہنشاہ ترنم جناب مولانامنظرقاسمی رحمانی،جناب مولانامحمدتنویرندو ی بھی شریک ہوں گے۔ان شاء اللہ۔ لہٰذاعوام و خواص سے اپیل کی جاتی ہے کہ بڑی تعدادمیں شریک جلسہ ہوکر حفظ قرآن مجیدکی سعادت سے بہرہ ورہونے والے بچوں اوران کے اہل خانہ اورمدرسہ کے ذمہ داران کی حوصلہ افزائی فرمائیں۔نیزمدرسہ کی ترقی کا اپنی آنکھوں سے مشاہدہ کریں۔اس موقع پراہل خیرحضرات سے اپیل کی گئی ہے کہ وہ اجلاس کوکامیاب بنانے کے لیے وسائل میں تعاون کریں اورادارہ کاتعاون کرکے قرآن مجیدکی تعلیم اوردین وشریعت کی حفاظت واشاعت کاذریعہ بنیں۔
مدرسہ کے مہتمم مولاناقمرالزماں رحمانی نے مزیدتفصیل بتاتے ہوئے کہاکہ یہ اجلاس مدرسہ دارالسلام کادوسرااجلاس دستاربندی ہے،اس کاپہلااجلاس دستاربندی 8مارچ 2020کو امیرشریعت سابع مفکراسلام حضرت مولانامحمدولی رحمانی ؒ کی صدارت میں منعقدہواتھاجس میں 11حفاظ کرام کی دستاربندی ہوئی تھی ۔اس ادارہ کاافتتاح حضرت امیرشریعت سابع مفکراسلام مولانامحمدولی رحمانی علیہ الرحمہ کے ہاتھوں ہواتھا۔ آپ اس ادارہ کی سرپرستی فرماتے تھے۔مہتمم مدرسہ ہذامولاناقمرالزماں رحمانی نے مزیدبتایاکہ دارالاقامہ کی تعمیرہوچکی ہے۔مزیددرسگاہ کے لیے مستقل عمار ت کی تعمیرکے لیے دستیاب زمین پرجلدتعمیرکاارادہ ہے،اللہ نے جنہیں ثروت سے نوازاہے ،وہ صدقہ جاریہ کی نیت سے ادارہ کابھرپورتعاون کریں ۔اللہ تعالیٰ اجر عظیم سے نوازیں گے ۔ آمین۔اہل خیرحضرات اس فون پے نمبرپررقم بھیج کراطلاع کرسکتے ہیں۔9570283804۔ اجلاس دستاربندی کی تیاری مکمل ہوچکی ہے ۔اجلاس میں بڑی تعدادمیں مدرسہ کے وابستگان اور عوام الناس کی شرکت کی توقع ہے۔یہ اطلاع مدرسہ دارالسلام اکرام نگربینی گیرمونگیرکے اساتذہ مولاناعبدالمالک قاسمی اورحافظ محمدثناء اللہ رحمانی نے میڈیاکوجاری کی ہے ۔
