حج2023: فارم جمع کرنے کی تاریخ میں توسیع

نئی دہلی: (پریس ریلیز)دہلی اسٹیٹ حج کمیٹی کی چیئرپرسن محترمہ کوثر جہاں نے اپنے پریس بیانیہ میں بتایا کہ حج2023 پر جانے کے خواہشمندلوگوں کے لیے یہ اچھی خبر ہے۔ انہوں نے کہا کہ حج2023کے لیے حج کمیٹی آف انڈیا کے سرکلرنمبر4مورخہ10؍مارچ2023 کے مطابق آن لائن حج فارم بھرنے کی آخری تاریخ جو کہ 10؍مارچ2023 تھیں۔ اس میں توسیع کرکے 20؍مارچ2023شام 5بجے تک کردی گئی ہے۔محترمہ کوثر جہاں نے کہا کہ ہم اس کے لیے حکومت ہند اور وزارت اقلیتی امور(حکومت ہند) کے شکر گذار ہیں۔محترمہ کوثر جہاں نے مزید بتایا کہ جو لوگ حج2023 پر جانے کے خواہشمند ہیں اور کسی وجہ سے آن لائن درخواست نہیں دے سکے تھے وہ اب 20؍مارچ2023 شام5بجے تک درخواست دے سکتے ہیں۔درخواست گذار کے پاس20؍مارچ 2023 یا اس سے پہلے کا جاری کیا ہوا مشین ریڈیبل پاسپورٹ ہونا چاہیے جس کی میعاد کم سے کم 03؍فروری2024یا اس کے بعد کی تاریخ تک ہونا لازمی ہے۔ساتھ ہی پاسپورٹ سائز فوٹو، آدھار کارڈ، کورونا ویکسین سرٹیفکٹ اورگروپ لیڈر کا بینک اکاونٹ کا کینسل چیک ہونا بھی لازمی ہے۔ ایک گروپ میں زیادہ سے زیادہ4 لوگ درخواست دے سکتے ہیں۔ اس کے علاوہ45سال سے زیادہ عمر کی خواتین چار کے گروپ میں یا اکیلی بھی درخواست دینے کی اہل ہونگی۔
محترمہ کوثر جہاں نے کہا کہ دہلی اسٹیٹ حج کمیٹی میںاب تک کل3742 درخواستیں موصول ہو چکی ہیں ان میں 70سال سے زائد عمر( بمع ایک ساتھ )کے لوگوں کی 174درخواستیں موصول ہو چکی ہیں و بنا محرم خواتین کے42درخواستیں موصول ہوئی ہیں۔ انہوں نے مزید کہا کہ دہلی اسٹیٹ حج کمیٹی عازمین حج کو زیادہ سے زیادہ آرام و سہولیات مہیا کرانے کے لیے مسلسل کوشاں ہے اور عازمین حج کی خدمت کے لیے پرعزم ہے انہوں نے کہا کہ عازمین حج کی خدمت کے لیے میں دامے درمے سخنے ہمیشہ تیار ہوں۔محترمہ کوثر جہاں نے مزید بتایا کہ دہلی اسٹیٹ حج کمیٹی،حج منزل، آصف علی روڈ، نئی دہلی میں گذشتہ برسوں کی طرح امسال بھی آن لائن فارم بھرنے اور جمع کرنے کی سہولیات دفتری اوقات میں بدستور جاری رہینگی۔مزید جانکاری کے لیے دہلی اسٹیٹ حج کمیٹی کے دفتر کے فون نمبر011-23230507پرپیر سے جمعہ کے درمیان صبح10بجے سے شام05بجے تک رابطہ کر سکتے ہیں۔