ڈھاکہ (یو این آئی) بنگلہ دیش کی سابق وزیر اعظم شیخ حسینہ کے بیٹے سجیب واجد جوئے نے کہا کہ ان کی والدہ کا فی الحال ہندوستان چھوڑنے کا کوئی منصوبہ نہیں ہے۔بدھ کو شائع ہونے والی میڈیا رپورٹس کے مطابق جوائے نے کہا کہ ان کی والدہ شیخ حسینہ اس وقت اپنی بہن کے ساتھ دہلی میں ہیں، جو وہاں رہتی ہیں۔ وہ ٹھیک ہے، لیکن پریشان ہے۔ ان کے لیے ہندوستان سے کہیں اور جانے کا کوئی فیصلہ نہیں کیا گیا ہے۔عوامی لیگ میں قیادت کے حوالے سے جوئے نے کہا کہ فی الحال ان کا سیاست میں آنے کا کوئی ارادہ نہیں ہے۔
انہوں نے کہا، "تیسری بار ہمارے خاندان کو بغاوت کا سامنا کرنا پڑا ہے۔ تیسری بار سب کچھ کھو کر بیرون ملک رہنا پڑا۔ میں اور میری والدہ کے علاوہ ہم سب ایک طویل عرصے سے بیرون ملک ہیں۔ ہم یہاں آباد ہیں۔ ہمیں یہاں زندگی میں کوئی مشکل نہیں ہے۔ ’’ہم یہاں رہنے کے عادی ہیں۔‘‘ انہوں نے مزید کہا، "یہ فیصلہ ایک دن پہلے کیا گیا تھا۔ ہم میں سے صرف چند لوگوں کو معلوم تھا کہ وہ اپنے استعفیٰ کا اعلان کریں گی اور ان کا منصوبہ آئین کے مطابق اقتدار کی منتقلی کو یقینی بنانا تھا۔ لیکن جب مظاہرین گن بھون کی طرف بڑھنے لگے تو ہم نے کہا، اب زیادہ وقت نہیں ہے۔ تمہیں اب یہاں سے جانا ہو گا۔”
اسی کے ساتھ15 سالہ اقتدار اور ملک چھوڑ کر ہندوستان فرار ہونے والی معزول وزیراعظم حسینہ واجد کے بیٹے سجیب واجد نے بنگلہ دیش سے ہی لاتعلقی ظاہر کر دی ہے سجیب واجد جو اپنی والدہ کے دور اقتدار میں ان کے مشیر بھی رہے اور بنگلہ دیش میں حکومت خاتمے کے وقت امریکا میں موجود تھے انہوں نے عوامی احتجاج اور دباؤ پر شیخ حسینہ واجد کے وزارت عظمیٰ سے مستعفی ہوکر ہندوستان فرار ہونے کے ایک روز بعد سوشل میڈیا پر بیان جاری کیا ہے جو ان کی بنگلہ دیش سے نام نہاد محبت کا بھید کھولتا ہے۔
اپنے سوشل میڈیا پیغام میں حسینہ واجد کے بیٹے سجیب واجد نے کہا ہے کہ بنگلہ دیش کے مستقبل سے اب ہمارا کوئی لینا دینا نہیں ہے۔ کسی نے سوچا تھا کہ بنگلہ دیش اتنی ترقی کر سکتا ہے۔انہوں نے کہا کہ شیخ حسینہ واجد کے بغیر یہ سب ممکن نہیں تھا۔ اب ملک کے ساتھ جو ہوگا اس سے ہمارے خاندان کا کوئی تعلق نہیں ہے۔
