فرقہ ورانہ ہم آہنگی کے زبردست حامی تھے مولانا مظہر الحق : ڈاکٹر اکھلیش

پٹنہ، 22 دسمبر:بہار ریاستی کانگریس کمیٹی کے پہلے صدر اور عظیم مجاہد آزادی مولانا مظہر الحق کی 157 ویں یوم پیدائش تقریب جمعہ کو ریاستی کانگریس ہیڈکوارٹر صداقت آشرم میں جوش وخروش کے ساتھ منائی گئی۔ بہار ریاستی کانگریس کے صدر ڈاکٹر اکھلیش پرساد سنگھ نے پارٹی رہنماو ¿ں اور کارکنوں کے ساتھ سب سے پہلے مولانا مظہر الحق کی تصویر پر گلپوشی کی۔
اس موقع پر ڈاکٹر سنگھ نے کہا کہ حق صاحب مہاتما گاندھی کے دوست تھے اور جب مہاتما گاندھی چمپارن کے دورے پر پٹنہ آئے تھے تو وہ مظہر الحق صاحب کی رہائش گاہ پر ٹھہرے تھے۔ ڈاکٹر سنگھ نے کہا کہ مولانا صاحب فرقہ وارانہ ہم آہنگی کے زبردست حامی تھے اور ڈاکٹر راجندر پرساد اور دیگر مجاہدین آزادی کے ساتھ مل کر 1921 میں ریاستی کانگریس کے ہیڈکوارٹر کا نام صداقت آشرم رکھا تھا۔
ڈاکٹر سنگھ نے کہا کہ آج ممنون قوم تحریک آزادی میں مولانا مظہر الحق کی خدمات کو یاد کرتے ہوئے انہیں سلام پیش کرتی ہے۔
اس موقع پر سابق ریاستی صدر انیل کمار شرما، سابق وزیر ڈاکٹر اشوک کمار، وینا شاہی، قانون ساز کونسل کے رکن ڈاکٹر سمیر کمار سنگھ، ڈاکٹر اجے کمار سنگھ، برجیش پرساد منن، بنٹی چودھری، برجیش پانڈے، لال بابو لال، آنند مادھو، منوج کمار سنگھ، کپل دیو پرساد یادو، ونود شرما، راج کمار راجن، آلوک ہرش، شیو پرکاش غریب داس، ثروت جہاں فاطمہ، ڈاکٹر سنجے یادو، انجینئر سجیو سنگھ، راج نندن کمار، گیان رنجن، ششی کانت تیواری، سنجیو کمار کرمویر، سدھا مشرا، ششی رنجن، منت رحمانی، پردومن یادو، ریتا سنگھ، ریکھا دیوی، گرودیال سنگھ اور وشال رنجن وغیرہ موجود تھے۔