مودی کا دہلی میں پونے ایک کلو میٹرلمبا روڈ شو

سڑک کے دونوں طرف کچھ دوری پر الگ الگ منچ بنائے گئے تھے جن پر لوک فنکاروں نے ہندوستانی ثقافت کی جھلک دکھاتے ڈانس اور ثقافتی پروگرام پیش کئے ۔ کچھ جگہوں پر ڈھول نگاڑوں کے ساتھ استقبال کیا گیا۔ لوگوں نے وزیر اعظم پرپھولوں کی بارش کی۔
مجلس عاملہ پہنچنے پر بی جے پی صدر مسٹر نڈا اور پارٹی کے سینئرلیڈروں نے وزیر اعظم کا استقبال کیا۔اس کے بعدوزیر اعظم کنوینشن سینٹر میں گئے اور اس کے بعد مسٹر نڈا کی صدارت میں پارٹی مجلس عاملہ کی میٹنگ شروع ہوئی۔
میٹنگ کا انتظام پارٹی کے قومی جنرل سکریٹری بی ایل سنتوش نے کیا۔اس کے پہلے بی جے پی کے صدرمسٹر نڈا نے کنونشن میں ایک نمائش کا بھی افتتاح کیا۔قبل ازیں بی جے پی کے دین دیال اوپادھیائے اسٹریٹ پر واقع مرکزی دفتر میں پارٹی کے قومی عہدیداروں کی میٹنگ ہوئی جس میں ریاستی انچارج،شریک انچارج ،ریاستی صدر اور ریاستی تنظیم کے جنرل سکریٹری بھی شامل ہوئے۔