شملہ (یو این آئی) وزیر اعلیٰ ٹھاکر سکھویندر سنگھ سکھو نے آج ضلع شملہ کے کپوی سب ڈویژن میں منعقدہ ایک تقریب کے دوران ‘اندرا گاندھی پیاری بہناسکھ سمان ندھی یوجنا’ کے تحت کپوی علاقے کی 2171 اہل خواتین میں 97,69,500 روپے تقسیم کئے۔
وزیر اعلیٰ نےکپوی میں 81.23 کروڑ روپے کی لاگت کی ترقیاتی منصوبوں کو علاقے کے لوگوں کو پیش کیا۔ ان منصوبوں میں 2.32 کروڑ روپے کی لاگت سے کاٹلی کھڈ پر 40 میٹر طویل پل، 2.65 کروڑ روپے کی لاگت سے لوہانہ کھڈ پر تعمیر کردہ پل، 3.04 کروڑ روپے کی لاگت سے باسادھار-گیاں کوٹ سڑک پر بھروٹ کھڈ پر تعمیر کردہ پل، 85 لاکھ روپے کی لاگت سے کوٹھار-کنوڑی سڑک پر تعمیر کردہ پل اور 7.72 کروڑ روپے کی لاگت سے سینج-دہا-چوپال سڑک پر بجروالی پل کا افتتاح کیا۔
انہوں نے 8.67 کروڑ روپے کی لاگت سے سدناڑا-کھگنا سڑک، 6.08 کروڑ روپے کی لاگت سے نری-تھندل سڑک، 3.48 کروڑ روپے کی لاگت سے بھڑاوگ سے دیشولی سڑک، 2.72 کروڑ روپے کی لاگت سے مجھولی سے باغ سڑک، 7.68 کروڑ روپے کی لاگت سے ہریپور دھار سے مجھولی سڑک، 8.38 کروڑ روپے کی لاگت سے کوٹھی سے کنہ سڑک، 10.02 کروڑ روپے کی لاگت سے کپوی سے دھوتالی سڑک، 6.28 کروڑ روپے کی لاگت سے سران سے جوڑنا سڑک اور 11.34 کروڑ روپے کی لاگت سے کپوی سے ماشوت سڑک کے میٹلنگ اور ٹارنگ کے کام کاج کا افتتاح کیا۔
