مسلمانوں کو کسی سے حب الوطنی کی سند لینے کی ضرورت نہیں: ابو عاصم

ممبئی: ممبئی ملک میں فرقہ پرستی عروج پر ہے یہاں فرقہ پرست جماعتیں جن آکروش ریلیاں نکال کر موٹر سائیکلوں پر جھنڈا لگا کر مسلمانوں کو دھمکانے کی کوشش کرتی ہیں نعرہ لگایا جاتا ہے اس ملک میں رہنا ہوگا تو وندے ماترم پڑھنا ہوگا یہ کون ہے جو مسلمانوں سے دیش بھکتی اور حب الوطنی کا ثبوت مانگنے والے مسلمانوں نے اس ملک کے لئے جوقربانیاں دی ہیں وہ کبھی فراموش نہیں کی جا سکتی لیکن آج انگریزوں کے تلوے چاٹنےوالے مسلمانوں سے سرٹیفکیٹ طلب کر رہےہیں مسلمانوں کو بدنام کرنے کی پہلی کوشش اس وقت کی گئی جب شردھا کا قتل ہوا اس میں قاتل کا نام آفتاب تھا لیکن جب تفتیش ہو ئی تو معلوم ہوا کہ آفتاب مسلمان نہیں پارسی ہے اس کے بعد فرقہ پرستوں کے ایجنڈے اور پروپیگنڈوں کو جھٹکا لگا مسلمانوں سے حب الوطنی کا سوال کرنے والوں اپنے دامن میں جھانک کر دیکھو تم کیا ہو انگریزوں کی غلامی کرنے والے مسلمانوں سے سوال کر رہے ہیں اس قسم کی ولولہ انگیز خطاب ممبئی کے آزاد میدان میں منعقدہ آکرش مورچہ میں سماجوادی پارٹی لیڈر اور رکن اسمبلی ابوعاصم اعظمی نے کیا انہوں نے کہاکہ جب کبھی وطن کو ضرورت پڑی تو خون جگر ہم نے دیا اور وہ کہتے ہیں تمہارا کیا کام انہوں نے تقسم وطن میں مسلمانوں نے اپنا ملک منتخب کیا اگر وہ چاہتے تو پاکستان ہجرت کرتے لیکن مولانا ابوالکلام آزاد نے مسلمانوں سے التجا کی اور مسلمانوں نے ہندوستان کو ہی اپنا وطن تسلیم کیا جناج نے لاکھ بلایا لیکن مسلمانوں نے وطن عزیز کو منتخب کیا سادھوی پرگیہ سنگھ ٹھاکر اور اس کے ہمنوا کو اے ٹی ایس چیف ہمینت کرکرے نے گرفتار کیا آج وہی سادھوی مسلمانوں کے خلاف زہر افشانی کرتی ہے جو کہ مالیگاؤں بم دھماکہ کی ملزمہ ہے این آئی اے نے اس کیس کو کمزور کر دیا ہے اس کاالزام وکیل روہنی سالین نے عائد کیا تھا اور کہا کہ انہیں کہا گیا تھا کہ کیس میں سرد مہری سے کام لیاجا ئے بعد میں وہ اس کیس سے دستبردار ہو گئی ۔ اے ٹی ایس کے گواہوں کو منحرف کیا جارہا ہے یہ ملزمین کہتے ہیں کہ اے ٹی ایس نے سر پر ریولوارلگا کر بیان درج کیا جبکہ ان کا بیان مجسٹریٹ کے روبرو درج کیا گیا انہوں نے کہا کہ اس ملک میں فرقہ پرستی عام ہو گئی ہے اس کی وجہ بھی اشتعال انگیز تقاریر اور مسلم مخالف ماحول ہے مسلمانوں کو غدار قراردینے کی کوششیں کی جاتی ہیں ہمیں کسی کے سرٹیفکیٹ کی کوئی ضرورت نہیں ہے انہوں نے کہا کہ اگر حالات کو قابو کرنے کے لئے شرپسندوں اور سماج دشمن عناصر کے خلاف کارروائی ضروری ہے۔ اس آکروش مورچہ میں ایس پی کے ترجمان عبدالقادر چودھری ۔ جنرل سکریٹری معراج صدیقی اور رکن اسمبلی رئیس شیخ بھی موجود تھے ۔