نئی دہلی 20 ستمبر (یو این آئی ) وزیر اعظم نریندر مودی کے 74 ویں یوم پیدائش کے موقع پر دہلی اسٹیٹ حج کمیٹی میں یونانی آیوش ہیلتھ کیمپ کا انعقاد کیا گیا یونانی ہربل میڈیسن کے شعبے میں معروف اور سند یافتہ اولیاء ہربلس کے تعاون کے ساتھ منعقد کیے گئے اس کیمپ کا افتتاح دہلی اسٹیٹ حج کمیٹی کی چیئرپرسن محترمہ کوثر جہاں نے کیا۔ اس موقع پر حج کمیٹی کے ایگزیکٹیو آفیسر اشفاق احمد عارفی، ڈپٹی ایگزیکٹیو آفیسر محسن علی اور اولیا ہربلس کے پارٹنر نوشاد عالم اور حج کمیٹی کا تمام عملہ موجود تھا۔
اس ہیلتھ کیمپ میں حج 2025 کے لیے درخواست دہندگان اور عام لوگوں کو مشہور ڈاکٹروں، حکیموں اور ویدھوں کی طرف سے مفت علاج اور معائنے کی سہولت فراہم کی گئی اور ہر قسم کی ادویات آدھی قیمت پر دستیاب کرائی گئیں جس سے دہلی کے مختلف علاقوں کے لوگوں نے طبی خدمات حاصل کیں ۔
دہلی اسٹیٹ حج کمیٹی نے اس ہیلتھ کیمپ کا انعقادا پنے عوامی سروکار کے تحت کیا ہے۔ اس موقع پر دہلی اسٹیٹ حج کمیٹی کی چیئرپرسن محترمہ کوثر جہاں نے اپنے خصوصی بیان میں کہا کہ جیسا کہ ہم سب جانتے ہیں کہ وزیر اعظم نریندر مودی جی کی زندگی کا مقصدہی خدمت ہے، اسی لیے ہم نے ان کی سالگرہ کے موقع پرمنعقد کیے جارہے ہیلتھ پکواڑہ کے تحت اس کیمپ کاانعقاد کیا ہے۔ انہوں نے مزید بتایا کہ وزیر اعظم کی قیادت میں بہت سے خدماتی منصوبے شروع کیے گئے ہیں جن کا فائدہ غریب، محروم اور عام لوگ حاصل کر رہے ہیں۔ حج کمیٹی مستقبل میں بھی وقتاً فوقتاً مفاد عامہ میں اس طرح کی تقریبات کا اہتمام کرتی رہے گی۔
