ادارہ کے بانی مولانا اسجدمدنی نے دینی ماحول میں عصری علوم کے مشن کو مضبوط بنانے کیا عزم
دیوبند(پریس ریلیز)یوپی بورڈ کے ہائی اسکول اور انٹرمیڈیٹ کی کامیابی پر طالبات کی حوصلہ افزائی کا سلسلہ جاری ہے۔ علم وادب کی بستی دیوبندمیں جدید وقدیم علوم کا سنگم جامعہ اسلامیہ للبنات کی طالبات نے بھی ہائی اسکول اور انٹر میڈیٹ کے امتحان میں شاندار کامیابی حاصل کرتے ہوئے ادارہ کے ساتھ اپنے والدین کا نام روشن کیا ہے۔ جامعہ للبنات کے چیئرمین وبانی جگرگوشہ شیخ الاسلام مولانا سید اسجد مدنی نے طالبات کی کامیابی پراپنی بے پناہ خوشی ومسرت کا اظہار کرتے ہوئے کہا کہ ادارہ کی طالبات کے ساتھ جو برسوں سے محنت کی جارہی ہے وہ اب رنگ لارہی ہے ، اس سال کے بورڈاورانٹرمیڈیٹ کے نتیجہ سے یہ بات واضح ہوگئی کہ اگر مسلم بچیوںکے ساتھ ایماندارانہ طورپر محنت کی جائے تو وہ محنت یقیناکامیابی سے ہمکنار ہوسکتی ہے۔ جامعہ کی طالبات نے ہائی اسکول اور انٹر میں پوزیشن لاکر ادارہ کا نام روشن کیاہے اس کے لئے وہ مبارک بادکی مستحق ہے ہم ان سب طالبات کے لئے بہترمستقبل کی تمناکرتے ہیں اورنیک خواہشات پیش کرتے ہیں۔ انہوں نے تفصیلات بتاتے ہوئے کہاکہ جامعہ سے تقریباً 22 طالبات نے امتحان میں شرکت کرتے ہوئے 90 فیصد سے زائد نمبرات حاصل کئے اور فرسٹ پوزیشن حاصل کی۔ انہوں نے کہا کہ اسی طرح اگر ان بچیوں کی مضامین پر نظر ڈالی جائے تو سائنس، میتھ، ہوم سائنس، انگلش اور ایس ایس ٹی میں 97فیصد تک نمبرات حاصل کئے ہیں۔ انہوں نے بتایا کہ انٹر کے امتحان میں 13طالبات نے فرسٹ پوزیشن حاصل کی ہے۔ فزکس، کیمسٹری اور انگلش میں 84 فیصد تک نمبرات حاصل کئے ہیں۔ انہوںنے کہا کہ ہمارا مقصد دینی ماحول میں طالبات کو عصری علوم کے زیور سے آراستہ کرنا ہے اور اس مقصد میں الحمدللہ ہم کافی حد تک کامیاب بھی ہوئے ہیں۔ انہوں نے کہا کہ صالح معاشرہ کی ترقی کی بنیاد تعلیم پرہی موقوف ہے، جب تک تعلیم نسواں پرخاص توجہ نہیں دی جائے گی ہم ایک آئیڈیل معاشرہ کو تشکیل دینے میں پورے طورپر کامیاب نہیں ہوسکتے ۔ مولانا اسجد مدنی نے کہا کہ نسل نو کو خاص کر بچیوںکی اگرشروع سے ہی دینی ماحول میںپروان چڑھایاجائے تو اس کے بہتر نتائج سامنے آئیں گے۔ انہوں نے کہا کہ ہمارے ادارہ کی طالبہ سلامہ، بریرہ، کریمہ، شکیبہ، صوفیہ، اریبہ، جیا سندس، سمیہ، صدف، حذیفہ، زینب، صحیفہ ناز، مصباح، زویا، مریم، ادیبہ، عائشہ، فائزہ، حمیرہ، طوبیٰ، ثنا، مبشرہ نے ہائی اسکول میں اور سعدیہ، علمہ، تسمیہ، صدف ثانیہ، اریبہ یاسمین، فضالہ مدنی، آرا، مدیحہ خان، مہک، نسترن، سمیہ، عافیہ اور صدف نے انٹر میڈیٹ میں پوزیشن حاصل کی جو لائق تحسین ہے۔ انہوں نے بچیوںکے والدین کو مبارک باد دیتے ہوئے کہا کہ طالبات کو اپنا مقصد حیات طے کرکے آگے بڑھانے میں ان کی مدد کرنی چاہئے، اس مقصد کو حاصل کرنے کے لئے طالبات کے اندر اعتماد پیدا کرکے مصمم ارادہ کے ساتھ آگے بڑھنے کے مواقع فراہم کریں، اس موقع پر مولانا افضل، ظفر عثمانی اورجامعہ کے دیگر عملہ نے بھی طالبات کی اس کامیابی پراپنی خوشی کااظہارکیا اور اپنی نیک خواہشات پیش کئے۔
