ترنمو ل کانگریس کی ڈائیلاگ مہم 15ماسرچ سے شروع ہوگی

کلکتہ 12مارچ (یواین آئی) شہریت ترمیمی ایکٹ کے نفاذ کے بعد ترنمول کانگریس نے شیڈول کاسٹ اور شیڈول ٹرائب اور بنگلہ دیش سے آنے والے مہاجرین تک پہنچنے کیلئے 15مارچ سے ایک پروگرام شروع کرنے کا فیصلہ کیا ہے ۔اس پروگرام کے تحت ان کے مسائل سے آگاہ کیا جالے گا۔ترنمول کانگریس نے 15 مارچ سےشیڈول ڈائیلاگ کے نام سے ایک مہم شروع کرنے کا فیصلہ کیا ہے۔ ترنمول کانگریس کے آل انڈیا جنرل سکریٹری ابھیشیک بنرجی نے منگل کی سہ پہر ایک خصوصی میٹنگ میں اس منصوبے کی شروعات کا اعلان کیا ہے۔نذرل منچ میں منعقد میٹنگ میں کہا کہ اس مہم کے لیے پارٹی کے کیا منصوبے ہیں۔ ترنمول صدر نے منگل کو نذر منچ میں منعقد میٹنگ میں ریاست کے تمام درج فہرست ذاتوں اور درج فہرست قبائل سے تعلق رکھنے والے ترنمول قائدین اور عوامی نمائندے وہاں موجود تھے۔ ابھیشیک نے تقریباً 3500 درج فہرست ذات اور قبائلی لیڈروں سے بات چیت کی ۔
افتتاحی پروگرام کے شیڈول میں طے کیا گیا ہے کہ آئندہ جمعہ 15 مارچ سے ریاست بھر میں ترنمول کی 150 خصوصی پیغام والی گاڑیوں میں ترنمول کے لیڈران چھ ہزار سے زیادہ علاقوں کا دورہ کریں گے۔ خصوصی مہم چلائیں گے۔ترنمول کانگریس کے ذرائع کے مطابق 15 مارچ سے بنیادی طور پر ترنمول لیڈر اور عوامی نمائندے مخصوص میسنجر گاڑیوں میں درج فہرست ذات اور قبائلی علاقوں میں جائیں گے۔ مختلف کمیونٹیز کے لوگوں سے بات کریںاور انہیں کتابیں فراہم کی جائیں گی۔کتاب میں تفصیل سے بتایا جائے گا کہ ہندوستان بھر میں تمام درج فہرست ذاتوں اور قبائل کے لوگوں کے تئیں بی جے پی کے منفی پہلو کیا ہیں۔ اس کے ساتھ اس بات کا بھی موازنہ کیا جائے گا کہ ترنمول بنگال میں اس کمیونٹی کے لوگوں کی کس طرح حفاظت کر رہی ہے۔
ترنمول کانگریس کی اعلیٰ قیادت کی طرف سے یہ ہدایت دی گئی ہے کہ ہر علاقے میں کم از کم 35 ہاٹ ا سپاٹ بنائے جائیں گے اور ترنمول قیادت وہاں مباحثہ اجلاس منعقد کرے گی۔ اس کے علاوہ، ترنمول کمانڈر ابھیشیک نے اپنی 3500 قبائلی اور دلت لیڈران سے کہا کہ اس میٹنگ میں سی اے اے کے نفاذ کے بارے میں شیڈول کمیونٹی سے تعلق رکھنے والے لوگوں کو سمجھایا جائے۔ تاکہ کوئی غلط فہمی نہ رہے کہ مرکزی قیادت اس حوالے سے کیا پیغام دینے کی کوشش کر رہی ہے۔جمعہ کو شروع ہونے والی اس شیڈولڈ ڈائیلاگ کے افتتاح میں محض دو د ن باقی ہیں اس لئے ان سے اس کی تیاری شروع کردینے کی ہدایت دی گئی ہے۔یواین آئی۔نور