یوپی: کئی پروفیسرو سماجی وملی رہنمائوں نے کانگریس پارٹی کی رکنیت اختیار کی

لکھنؤ:آج مورخہ 15.07.2023 کو قومی سکریٹری توقیر عالم جی اور ریاستی صدر برج لال کھابری جی کی قیادت میں ہندو پی جی کالج لکھنؤ کے ایسوسی ایٹ پروفیسر مسٹر منیش ہندوی اور ڈاکٹر شرون گپتا، سابق ایم ایل اے اور اسسٹنٹ پروفیسر مسٹر امت کمار رائے، تاریخ کے پروفیسر سرتاج شبر رضوی، ڈاکٹر ڈاکٹر یاسر منیر سمیت تمام یونیورسٹیوں کے پروفیسر اور اساتذہ کو کانگریس پارٹی کی رکنیت دلائی گئی۔ اس موقع پر اتر پردیش کے جنرل سکریٹری انچارج ایڈمنسٹریشن دنیش سنگھ، سابق کابینہ وزیر ڈاکٹر مسعود عالم، اقلیتی سیل کے چیرمین شاہنواز عالم، کانگریس لیڈر محمد شمیم خان، تنظیمی سکریٹری انل یادو، اور پارٹی کے تمام عہدیدار موجود تھے۔ اس موقع پر ریاستی صدر برج لال کھابری نے تمام نو منتخب ممبران کو بہت بہت مبارکباد اور نیک خواہشات پیش کی ہے ۔ انہوں نے کہا ریاست میں کانگریس خاندان جس طرح مسلسل بڑھ رہا ہے، یہ ہم سبھی کانگریسیوں کے لیے بڑے فخر کی بات ہے۔ 2024 میں تبدیلی کا شور سنائی دینے لگا ہے۔