صنعا، 7 اکتوبر ( یو این آئی ) یمن کے حوثیوں نے کہا ہے کہ "ہم نے، غزّہ پر اسرائیلی حملوں کے آغاز سے اب تک کی ایک سالہ مدّت میں ایک ہزار سے زائد میزائل اور ڈرون حملے کئے اور امریکہ، اسرائیل اور برطانیہ کے 193 بحری جہازوں کو نشانہ بنایا ہے”۔حوثی لیڈر عبدالملک الحوثی نے الاقصیٰ طوفان کا پہلا سال مکمل ہونے کی مناسبت سے حوثیوں کے ٹیلی ویژن چینل المسیرہ پر بیانات جاری کئے ہیں۔
عبدالملک نے کہا ہے کہ "ہم، فلسطینی عوام کی فتح کے لئے، یمن محاذ سے اپنے دینی، اخلاقی، انسانی اور اُصولی موقف پر ڈٹے ہوئے ہیں۔ غزّہ پر اسرائیلی حملے شروع ہوئے ایک سال گُزر چُکا ہے اور اس ایک سالہ مدّت میں ہم نے ایک ہزار سے زائد میزائل فائر کئے اور بحیرہ احمر سے گزرتے 193 امریکی، برطانوی اور اسرائیلی بحری جہازوں کو ہدف بنایا ہے”۔
انہوں نے کہا ہے کہ "ہم نے ، 11 عدد امریکی مسلح ڈرون طیارے گرائے ہیں۔ ہمارے ملک پر فضاء اور سمندر سے 774 حملے کئے گئے ہیں اور ان حملوں میں 82 افراد ہلاک اور 340 زخمی ہو چُکے ہیں”۔
