پٹنہ: بہارکے یوٹیوبر منیش کشیپ کو آج جیل سے رہائی مل گئی۔ منیش گزشتہ نو ماہ سے جیل میں تھے، پٹنہ ہائی کورٹ سے ضمانت ملنے کے بعد ہفتہ کو انہیں رہائی ملی۔ پٹنہ کی بیور جیل سے باہر آنے پر ان کے ہزاروں حامیوں نے ان کا پرتپاک استقبال کیا۔
त्रिपुरारी तिवारी (मनीष कश्यप) के जेल से बाहर निकलने के बाद का दृश्य…
— BaluSingh Rajpurohit ???????? (@Thebalusingh) December 23, 2023
#WelcomeBackManishKashyap | #Manishkashyap | @Mksonofbihar | pic.twitter.com/OIOM84jr6H
خیال رہے کہ پٹنہ ہائی کورٹ نے بدھ کو انہیں دو مقدمات میں ضمانت دی تھی۔ انہیں 11 مقدمات میں پہلے ہی ضمانت مل چکی تھی۔جیل سے باہر آنے کے بعد کشیپ نے کہا، ’’بہار کا ڈی این اے اتنا خراب نہیں ہے کہ وہ ڈر جائیں۔ پہلے کی طرح صحافت کرتے رہیں گے، کسی سے نہیں ڈریں گے‘‘۔
کشیپ کے خلاف اپنے یوٹیوب چینل پر تمل ناڈو میں بہار کے تارکین وطن مزدوروں پر مبینہ حملہ کی جعلی ویڈیو چلانے پر 13 مقدمات درج کیے گئے تھے۔ ان پر قومی سلامتی ایکٹ کی دفعات بھی لگائی گئیں۔ تاہم، نومبر میں مدورائی کورٹ نے اس قانون کی دفعات کو ہٹا دیا ہے۔ منیش کشیپ نے اس سال 18 مارچ کو پولیس کے سامنے خودسپردگی کی تھی۔ اس کے بعد وہ بہار جیل میں بند تھے، بعد میں انہیں تمل ناڈو لے جایا گیا۔ تاہم اگست میں انہیں ایک کیس میں پیش ہونے کے لیے تمل ناڈو سے بہار لایا گیا تھا اور تب سے وہ پٹنہ کی بیور جیل میں بند تھے۔
